Свет
Американците запленија 4 милиони долари на брод во Порторико
Службениците од граничната контрола во Порторико пронашле 3,7 милиони долари во брод кој го сопреле во неделата.
Официјалните претставници на американската Управа за царина и заштита на границата (CBP) го следеле бродот, бидејќи пловел без осветлување од Порторико до американските Девствени Острови, објави Си-ен-ен.
Откако забележале дека ги следат, мажите што го управувале бродот се вратиле до источниот брег на Порторико и впловиле во пристаништето Фајардо.
Работниците на бродот што ги истовариле торбите побегнале по пристигнувањето на вработените во CBP.
„Остануваме посветени на соработката со други федерални и локални агенции за спроведување на законот со цел откривање и оневозможување на обиди за криумчарење пари на Карибите“, рече Џони Моралес, раководител на воздушната и поморската операција на огранокот на CBP за Карибите.
Во вреќите во кои биле складирани парите, пронајден е и наполнет пиштол и 63 парчиња муниција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Насилство на пропалестинските демонстрации во Берлин, полицијата употреби солзавец
На пропалестинските демонстрации во Берлин минатиот викенд, насилство избувна кога демонстрантите почнаа да ја гаѓаат полицијата со камења и шишиња, а полицијата одговори со солзавец.
По повод годишнината од смртоносниот напад на Хамас во Израел, полицијата распореди околу 2.000 свои членови поради најавените протести, пренесува „Берлингер Моргенпост“.
Во саботата пропалестинските демонстранти маршираа од Темпелхоф до Бранденбуршката порта, а во неделата беа одржани демонстрации во Кројцберг и Нојколн, пишува порталот ТРТ Ворлд.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.