Свет
Американците објавија импресивни податоци: Русите произведуваат повеќе тенкови отколку целиот свет заедно

Американските аналитичари признаа дека руската воена индустрија покажува неверојатни резултати.
Заменик-претседателот на Советот за безбедност, Дмитриј Медведев, неодамна изјави дека воено-индустрискиот комплекс на Руската Федерација, спротивно на сите песимистички прогнози на Западот, ги зголемува темпото и обемот на производството и дека оваа година од производната линија ќе испливаат нови 1.500 тенка.
Според американските аналитичари, сè укажува на фактот дека Руската Федерација ќе постигне навистина големо достигнување, пишува „Милитари воч“.
„Се очекува сите овие тенкови да бидат изградени во ‘Уралвагонзавод’, која во моментот е единствената руска компанија што произведува тенкови“, наведуваат авторите на написот на американското издание.
Американските експерти велат дека Советскиот Сојуз постојано произведувал околу 4.000 тенка годишно. По неговиот колапс, показателите на рускиот воено-индустриски комплекс значително потонаа, што е последица на економски фактори.
Во овој контекст, производството на Руската Федерација до 1.500 возила годишно ќе биде голем успех за земјата.
„Зголемувањето на производството до 1.500 тенка би било големо достигнување по постсоветскиот пад на индустриската база и одбранбениот сектор. Останува нејасно дали се планира да се зголемат бројките на уште повисоко ниво во наредните години“, прашуваат американски експерти.
Покрај тоа, стапката на производство на нови тенкови во Русија е толку висока што ги надминува перформансите на сите други земји во светот заедно.
Во овој поглед руската одбранбена индустрија навистина покажува многу сериозни резултати, покажуваат анализите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Гувернерот на Калифорнија: Ќе го тужам Трамп за распоредувањето на Националната гарда

Гувернерот на Калифорнија, Гевин Њусом, вели дека ќе го тужи Доналд Трамп за распоредување на трупи на Националната гарда во Лос Анџелес без да се консултира со него.
„Постои протокол, има процес, не му беше гајле за тоа“, рече Њусом во интервју за MSNBC, додавајќи дека планира да поднесе тужба во понеделник наутро.
Тој го обвини Трамп дека е „ладнокрвен лажго“ откако двајцата разговараа во петокот, а Трамп наводно не го споменал распоредувањето на Националната гарда.
Њусом, исто така, рече дека Трамп е спонзор на моменталните услови во Лос Анџелес, додавајќи дека властите во Калифорнија се обидуваат да го исчистат „неговиот хаос“.
Гувернерот ги повика демонстрантите да останат смирени и да не „се фаќаат за мамката на Трамп“. „Не му го давајте изговорот што го бара“, рече тој.
Шеф на полицијата во Лос Анџелес: Распоредувањето на Националната гарда е наредено од врвот
Десетици демонстранти беа уапсени за време на судирите со полицијата во центарот на Лос Анџелес, изјави началникот на полицијата во Лос Анџелес, Џим Мекдонел, за новинарите на прес-конференција.
„Нашата работа не е да ги делиме заедниците или да ги политизираме органите за спроведување на законот. Нашата работа е едноставно да ја заштитиме безбедноста на сите“, рече Мекдонел.
"The Los Angeles Police Department does not participate in or coordinate with Immigration and Customs Enforcement on civil immigration enforcement."- LAPD Chief McDonnell pic.twitter.com/Cf7xFft2Qg
— KTLA (@KTLA) June 9, 2025
Тој се осврна на „длабокиот страв и вознемиреност“ во заедницата што произлегоа од неодамнешните имиграциски рации и рече дека одделот е „посветен на транспарентност, одговорност и третирање на секој жител на Лос Анџелес со почит, без оглед на нивниот имиграциски статус“.
Мекдонел, исто така, рече дека полицијата би „поминала низ серија чекори“ пред да побара распоредување на Националната гарда, но наредбата, додаде тој, дошла од врвот.
Гувернерот на Калифорнија до „граничниот цар“ на Трамп: Дојдете по мене, уапсете ме
Гувернерот на Калифорнија, Гевин Њусом, остро одговори на заканите од „граничниот цар“ на Трамп, кој рече дека не ја исклучил можноста за апсење на Њусом за попречување на спроведувањето на имиграциските закони.
🇺🇸🇲🇽⚡️- Governor Newsom on MSNBC challenges Tom Homan to arrest him.#USA #losangelesprotest #downtownla https://t.co/0GwfUtcmT0 pic.twitter.com/wjd3jy2AQF
— Global War Report. (@GlobeWarReport) June 9, 2025
„Дојдете по мене, уапсете ме, ајде да завршиме со ова, човече“, рече Њусом на MSNBC.
Свет
(Видео) Полицијата во Лос Анџелес погоди новинарка со гумен куршум

Лорен Томаси, дописничка на „Најн њуз“, известуваше од протест во Лос Анџелес кога беше погодена од гумен куршум испукан од блиската полиција.
„Полицијата на Лос Анџелес се приближува на коњи, пукајќи гумени куршуми кон демонстрантите, бркајќи ги низ центарот на Лос Анџелес“, рече таа пред камера, покажувајќи кон полицијата по патот.
The police fired rubber bullets at Australian reporter Lauren Tomasi while she was reporting live from Los Angeles today.
Appalling and unjustified.
pic.twitter.com/QLixvXawDg— Republicans against Trump (@RpsAgainstTrump) June 9, 2025
Секунди подоцна, се слушна тресок, а Томаси ја зграпчи за ногата со крик од болка.
Свет
(Фото) 27 уапсени во последните 24 часа во Лос Анџелес

Дваесет и седум лица беа уапсени во неделата кога демонстрантите повторно излегоа на улиците во центарот на Лос Анџелес како одговор на рациите на ICE и одлуката на Доналд Трамп да ја испрати Националната гарда во Калифорнија.
Десет лица беа уапсени од полицијата во Лос Анџелес, вклучувајќи едно лице кое наводно фрлило молотов коктел и друго кое беше обвинето дека возело мотоцикл низ полициска линија.
Калифорниската автопатска патрола уапси дополнителни 17 лица откако демонстрантите излегоа на автопатот 101 и го блокираа сообраќајот.
Други 29 лица беа уапсени во саботата затоа што одбија да се распрснат, изјави шефот на полицијата на Лос Анџелес, Џим Мекдонел.
Мекдонел рече дека лицата кои го предизвикале нарушувањето биле анархисти, а не демонстранти кои мирно протестирале претходно во текот на денот.