Свет
Америка се обидува да го врати војникот што беше уапсен во Северна Кореја
![](https://makfax.com.mk/wp-content/uploads/2023/07/уу.jpg)
Американскиот специјален пратеник за Северна Кореја, Сунг Ким, изјави денеска во Токио дека Вашингтон е активно ангажиран во обезбедувањето враќање на американскиот војник што пребегна во Северна Кореја.
Соединетите Американски Ддржави работат на утврдување информации за состојбата на војникот Тревис Кинг и се посветени на обезбедување на неговото безбедно враќање, рече Сунг.
Кинг премина во Северна Кореја во вторникот, истиот ден кога американската подморница со балистички проектили со нуклеарен погон ја посети Јужна Кореја првпат од 80-тите. Северна Кореја лансира две балистички ракети во морето во средата наутро.
Претставникот на јужнокорејската влада, Ким Гун, го осуди лансирањето проектили и зборуваше за зајакнување на врските меѓу САД, Јапонија и Јужна Кореја.
„Нашата трилатерална безбедносна соработка е на највисоко ниво“, рече Ким додавајќи дека на состанокот ќе се разговара за понатамошно зајакнување на соработката, како и за санкциите и спротивставувањето на кибер-нападите на Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.