Свет
„Амнести интернешнл“: Екстремистите од Боко харам убиле 275 луѓе во Камерун
Екстремистите од Боко харам убиле најмалку 275 лица оваа година на крајниот север на Камерун и покрај тврдењата на владата дека исламистичката група ослабела во областа, објави денес „Амнести интернешнл“.
Повеќе од 80 проценти од жртвите убиени меѓу јануари и ноември се цивили, наведува меѓународната организација за човекови права по двонеделната мисија во областа.
Ал Самира Дауд, в.д. регионален директор за Западна и Централна Африка, рече дека луѓето во тој дел од Камерун живеат под терор.
„Многумина од нив беа сведоци на нападите на Боко харам и ги загубија членовите на семејството или пријателите. Тие веќе не се прашуваат дали ќе има нови напади, туку кога ќе се случат. Тие чувствуваат дека властите целосно ги напуштиле“, рече таа.
Исламистичката група уби десетици илјади луѓе и принуди милиони да ги напуштат своите домови, пренесува АП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.