Свет
Антонов: Вашингтон ја турка ситуацијата кон директна конфронтација меѓу големите нуклеарни сили
![](https://makfax.com.mk/wp-content/uploads/2022/09/f_full_russian_amb_180401.jpg)
„Активностите на Вашингтон ја насочуваат ситуацијата кон отворена конфронтација меѓу најголемите нуклеарни сили, а западните земји го тестираат трпението на Русија, која е подготвена да го брани својот суверенитет, територијален интегритет и народ со сите системи на оружје што ги поседува“, изјави рускиот амбасадор во САД, Анатолиј Антонов.
Според напис објавен вчера на веб-страницата на американскиот магазин „Национален интерес“, тој рече дека „очигледно е дека САД се директно вклучени во воените дејствија на режимот во Киев“, пренесува ТАСС.
„Изгледа како Русија да се тестира себеси за да види колку долго ќе остане трпелива и ќе се воздржи од одговор на очигледните противнички акции и напади. Всушност, Вашингтон ја турка ситуацијата кон директна конфронтација меѓу големите нуклеарни сили, што има непредвидливи последици“ – рече Антонов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.