Сирискиот претседател Башар Асад е во прва официјална посета на Иран – најблискиот регионален сојузник на неговата земја – од почетокот на сирискиот конфликт пред осум години, пренесува РТ.

Сириската државна телевизија во понеделникот ја објави веста за посетата на која Асад се сретна со ирачкиот врховен лидер, ајатолахот Али Камнеи. САНА објави дека двајцата лидери се согласиле да ја продолжат соработката на сите нивоа за интересите на двете пријателски нации.

Во соопштението на веб-страницата на Каменеи се вели дека Иран е горд на својата помош за Сирија.

Ова е едно од ретките патување во странство на Асад, кој не отпатувал никаде освен во Русија од почетокот на конфликтот. Асад им се заблагодари на иранските лидери и на народот за помошта за Сирија за време на војната.

Техеран го поддржа Дамаск со милијарди долари помош додека беснееше војната. Иран, заедно со Русија, беше клучен сојузник на Сирија за време на војната во која загинаа меѓу 360.000 и 560.000 луѓе.

Претходно овој месец, Асад ги предупреди бунтовничките милиции кои се потпираат на поддршката на САД дека ќе бидат продадени од Вашингтон, кој ги гледа само како чип за преговори во политичката игра.

„На оние групи кои се обложуваат на Американците им порачуваме дека Американците нема да ги заштитат. Американците ќе ве стават в џеб за да можете да им бидете стока за размена, а тоа брзо ќе се случи“, рече тој во телевизискиот говор, имплицитно предупредувајќи ги Курдите.