Свет
Венецуелската опозиција фрла молотови коктели врз армијата на колумбиската граница
Активистите на венецуелската опозиција почнаа да фрлаат молотови коктели врз венецуелските трупи распоредени на мостот „Симон Боливар“ на границата со Колумбија, пренесува „Спутник“.
Активистите, исто така, фрлаа и камења кон безбедносните сили, кои одговорија со солзавец. Војниците подготвија и водени топови за да спречат можни нелегални преминувања на границата.
Во меѓувреме, Националната гарда на Венецуела почна да распоредува дополнителни сили на мостот поради континуираните судири меѓу безбедносните сили и демонстрантите. Судирите на границата на Венецуела и Колумбија избувнаа во саботата при обидот да се внесе неодобрена помош во Венецуела.
Претседателот на Венецуела, Николас Мадуро, рече дека верува оти пратките помош претставуваат трик за соборување на неговата влада, а потпретседателот на Венецуела, Делси Родригез, ги отфрли обвинувањата за хуманитарна криза во земјата и потсети дека меѓународното право предвидува испорака на странска хуманитарна помош само во случаи на природни непогоди и вооружени конфликти.
Граничната криза веќе резултираше со одлука на Мадуро да ги прекине сите политички и дипломатски врски со Колумбија и да затвори неколку гранични премини, вклучувајќи го и мостот „Симон Боливар“ за да спречи неовластена испорака на хуманитарна помош.
Во меѓувреме, потпретседателот на САД, Мајк Пенс, на состанокот на групата Лима во понеделникот изјави дека Вашингтон ќе продолжи со напорите за испорака на хуманитарна помош за Венецуела и ќе обезбеди дополнителни 56 милиони американски долари за американските партнери во регионот. Пенс, исто така, рече дека САД планираат да објават нови санкции против владата на Венецуела во наредните денови.
Меѓутоа, ОН и Црвениот крст го повикаа Вашингтон да не ја политизира хуманитарната помош и да не дава никаква помош без согласност на владата на Венецуела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка и испраќа на Украина скап пакет оружје, откриeно што може да има во него
Веќе во петок, САД би можеле да објават нов пакет оружје за помош на Украина во вредност од шест милијарди долари, објави порталот Политико, цитирајќи неименуван американски функционер.
Според официјални лица, пакетот оружје вклучува контраартилериски радар, тактички возила, пресретнувачи Патриот, беспилотни летала, артилерија, прецизна муниција и системи против беспилотни летала.
На почетокот на неделава Претставничкиот дом на американскиот Конгрес донесе закон за пакет воена помош за Украина, Израел и кинескиот регион Тајван во вредност од 95 милијарди долари, од кои 61 милијарда долари се наменети за помош на Украина.
Лидерот на Демократите во Сенатот Чак Шумер изјави дека оставил порака за украинскиот претседател Володимир Зеленски, која гласи: „Завршивме. Сега – победи“.
„Овој предлог-закон е една од најважните мерки усвоени од Конгресот долго време за заштита на американската безбедност и безбедноста на западните демократии“, рече Шумер.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.