Доналд Трамп синоќа изјави дека Украина можеби нема да преживее, со или без Американците. Тој го изјави ова во интервју за „Фокс Њуз“. Водителката на „Фокс“, Марија Бартиромо го праша Трамп: „Дали сте задоволни со фактот што се повлековте и Украина можеби нема да преживее?“

„Па, тие и онака можеби нема да преживеат. Таа војна немаше да се случи ако јас бев претседател“, рече Трамп.

🇺🇸🇺🇦- Fox's Maria Bartiromo: 'Are you comfortable with fact that you walked away and Ukraine may not survive?'

Trump: Well, it may not survive anyway pic.twitter.com/58cS42QWr8

— IL Libanese (@Dal_Libano) March 9, 2025

Тој додаде: „Бајден ме остави со отворени граници кои пуштаат 21 милион луѓе, од кои многумина не треба да бидат тука. Многумина се криминалци, многумина се убијци, дилери на дрога, нарко босови. Ја имаме целата оваа збрка со Израел и нападот на 7 октомври, како и сите последици од најлошото и најглупавото повлекување во историјата“.

Соединетите Држави денеска ќе се сретнат со украинска делегација во Саудиска Арабија за да утврдат дали Украина е подготвена да направи материјални отстапки на Русија за да ја прекине војната, соопштија двајца официјални лица.

Членовите на американската делегација се заинтересирани и за тоа дали Украинците навистина сакаат подобрување на односите со администрацијата на Трамп, изјавија двајца официјални лица за Ројтерс под услов да останат анонимни, по неодамнешната средба меѓу американскиот и украинскиот претседател во Белата куќа, која брзо се претвори во кавга пред камера.

Американскиот претседател Доналд Трамп во неделата изјави дека неговата администрација е во контакт со четири различни групации во врска со продажбата на кинеската социјална мрежа „Тик Ток“ и дека сите четири опции се задоволителни.

Судбината на „Тик Ток“ во САД е неизвесна од јануари оваа година поради законот кој бара сопственикот „Бајт Денс“ да ја продаде популарната социјална мрежа на американски купувач, во спротивно ќе биде недостапна за американските корисници.

Законот беше усвоен од администрацијата на поранешниот претседател Џо Бајден, загрижена за кинеската контрола врз споменатата мрежа, поради што тие го гледаа како сериозна закана за националната безбедност.

Покрај тоа, САД тогаш изразија загриженост дека кинеските власти би можеле да ја користат огромната база на податоци на „Тик Ток“ за вознемирување, регрутирање, шпионажа или манипулација со јавното мислење.

Законот стапи на сила на 19 јануари, последниот ден од мандатот на Бајден, кога Американците не можеа да влезат на „Тик Ток“. Но, веќе следниот ден, новиот претседател Трамп потпиша извршна наредба со која се одложува спроведувањето на законот за 75 дена.

Трамп им рече на новинарите дека наскоро може да се постигне договор во врска со ситуацијата со „Тик Ток“. „Имаме работа со четири различни групации, многу луѓе го сакаат тоа… сите четири се добри“, додаде тој.

„Тик Ток“ и „Бајт Денс“ не ги коментираа прашањата на Ројтерс.

Превирањата околу социјалната мрежа што ја користат речиси половина од Американците привлекоа неколку потенцијални купувачи, вклучувајќи го и поранешниот сопственик на франшизата за бејзбол ЛА Доџерс, Френк Мекорт. Аналитичарите ја проценуваат вредноста на брзорастечкиот бизнис на околу 50 милијарди долари.

Мал авион вчера попладне се урна во близина на пензионерска заедница во округот Ланкастер, Пенсилванија, јавува Си-ен-ен.

„Авионот се урнал и службите за итни случаи се на лице место“, потврди полицијата.

Plane crashes into residential neighborhood in Manheim, Pennsylvaniapic.twitter.com/DnaTQeqnLq

— Rifnote (@viarifnote) March 9, 2025

Според извештаите, авионот паднал на паркинг, предизвикувајќи пожар кој зафатил повеќе возила. Службите за итни случаи, вклучувајќи пожарникари, полиција и екипи за опасни материјали се на местото на несреќата.

Биле пријавени неколку повредени, но детали за бројот и тежината на повредите се уште не се соопштени.