Поранешниот генерален секретар на Обединетите нации, Бан Ки-мун изјави во средата на прес-конференција дека нема намера да се кандидира на следните претседателски избори во Јужна Кореја.

Во јануари годинава Бан Ки-мун се врати во татковината откако осум години мина на чело на светската организација. Со месеци се нагаѓаше околу неговите политички амбиции, го и ги подгреваше самиот со повеќето јавни настапи, а од минатата есен се споменуваше досега за кандидат за највисоката функција во државата.

„Ќе се повлечам од политичкиот живот… Жал мие е што ќе разочарам многу луѓе“, изјави Бан пред новинарите по состанокот со челниците на конзервативните партии.

Иако декларативно никогаш не се прогласи за претседателски кандидат, Бан учествуваше на многу јавни настани со свои говори, што се толкуваше како најава за неговата претседателска кандидатура од страна на конзервативната партија Саенури на актуелната претседателка Парк Гуен-Хе на која ѝ се заканува отповикување од должноста поради корупциски скандали.

Меѓутоа, поддршка од партијата не успеа да добие, а имиџот му го расипаа и обвинувањата за корупција за него лични и за членови од неговото семејство. Со тоа популарноста на Бан последните седмици падна на 13,1 отсто, во однос на 20,3 отсто откако на почетокот од годинава се врати во Јужна Кореја. Во Сеул се смета дека споменатите новинарски истражувања претставуваат обид да се дискредитира идниот кандидат за претседател. прво кон крајот на неговиот мандат како Генерален секретар на ОН, Бан Ки-мун беш обвинет дека во 2005 и 2007 година земал мито во вкупна вредност од повеќе од 200.000 американски долари, но самиот Бан категорично ги отфрли таквите обвинувања.

Според сведоштвата на новинари на јужнокорејскиот весник Sisa Journal, Бан Ки-мун добил 200.000 долари во пролетта 2005 година, за време на работна вечер организирана во чест на посетата на министерот за надворешни работи на Виетнам на Јужна Кореја. Бан Ки-мун, кој во тоа време бил корејски министер за надворешни работи и трговија, ја примил делегацијата од Виетнам, во чиј состав бил и влијателниот тамошен бизнисмен, челникот на компанијата „Taekwang“. Пак Јеон Ча. Посредник, според написот, дошол во резиденцијата на министерот за надворешни работи еден час пред делегацијата за му ги предаде на Бан 200-те илјади долари.

Медиумите, исто така, тврдат дека во книгата за белешки на секретарката на виетнамскиот бизнисмен е забележано и името на Бан Ки-мун и покрај него наведени различни суми пари. Доколку се соберат, ова наводно мито, коешто го добил челникот на ОН, може да биде и поголемо од споменатата сума, забележува весникот. Уште 30.000 долари, истиот бизнисмен му предал на Бан Ки-мун во 2007 година во Њујорк, кога веќе овој бил челник на светската организација, тврдат новинарите.

Самиот Бан Ки-мун ги отфрла ваквите објавени во медиумите обвинувања. Тој целосно негира дека се познава со виетнамскиот бизнисмен Пак Јеон Ча.

Потоа, на 11-ти јануари, двајца најблиски роднини на досегашниот претседател на Обединетите нации, Бан Ки-мун се обвинети во САД за подмитување блискисточен функционер во врска со продажба на комплекс згради во Виетнам за 800 милиони долари.

Чу Хјун „Денис“ Бан, трговец со недвижнини од Њујорк и внук на поранешниот генерален секретар на ОН, и неговиот татко Бан Ки-санг, братот на Бан Ки-мун, порашенешн директор во јужнокорејската градежна компанија „Keangnam Enterprises Co Ltd.“, обвинети се пред сојузниот суд на њујоршки Менхетен. Обвинението беше подигнато откако на Бан на 31-ви декември 2016 година му истече двојниот петгодишен мандат на чело на светската организација, кој во тој период од јужнокорејските медиуми беше обвинет дека додека бил министер примил мито од виетнамски бизнисмен.

Според обвинението, компанијата „Keangnam Enterprises Co Ltd.“во 2013 година имала проблеми со ликвидноста и се обратила на Бан за да му најде инвеститор за комплексот згради „Landmark 72“ во Виетнам за провизија од пет милиони долари. Наместо финансирањето да биде изведено законски, двајцата се вклучиле во шема за да подмитат неименуван функционер до Блискиот исток кој требало да го убеди богатиот фонд во својата земја да го купи „Landmark 72“.

Митото било платено преку Маклолм Харис,самопрогласен консултант за уметнички дела и мода, и блогер кој исто така е обвинет и кој според обвинението тврдел дека бил агент на функционерот. Според комуникацијата со Хаирс од април 2014 година, двајцата се согласиле однапред да му платата 500.000 долари мито и уште два милиона долари кога зделката ќе биде склучена. Но се покажало дека Харис немал никакви врски со функционерот, и ги украл и потрошил тие 500.000 долари.

Бидејќи компанијата западнала во криза, Бан е верувајќи дека митото е исплатено и дека сé се одвива според планот, ја навел „Keangnam Enterprises Co Ltd. и нејзините кредитори да веруваат дека богатиот фонд ќе го купат Landmark 72. Кога целата работа пропаднала, на суд е покренаа постапка за ликвидација на фирмата, се наведува во судските документи.

Професионалниот дипломат, Бан Ки-мун никогаш не бил досега член на политичка партија, иако од 2004 до 2006 година беше министер за надворешни работи и трговија кај либералниот претседател Рох Му-Хјун. Јужнокорејските претседателски избори треба да се одржат до крајот на 2017 година/крај/мф/сн