Свет
Бафет: Царините до одреден степен се чин на војна

Американскиот милијардер, претседател и извршен директор на „Беркшир хатавеј“, изјави дека новите царини што ги воведе американскиот претседател Доналд Трамп за неколку земји до одреден степен се чин на војна.
„Имавме големо искуство со нив. Царините се, всушност, чин на војна, до одреден степен. Со текот на времето тие стануваат данок на стоки. И тогаш што? Тоа прашање секогаш треба да го поставувате во економијата. Секогаш велите: А што тогаш?“, рече Бафет во интервју за „Си-би-ес њуз“ одговарајќи на прашањето како царините ќе влијаат на инфлацијата. Овој 94-годишник, кого медиумите го нарекоа пророкот од Омаха, додаде дека најголемиот дел од парите со кои управува секогаш ќе биде во САД бидејќи тоа е најдоброто место. Бафет ги поддржуваше претседателските кандидати во минатото, вклучувајќи ги Барак Обама и Хилари Клинтон, но одби да ги поддржи демократите на изборите во 2024 година.
Царините од 25 отсто за Мексико и Канада, предложени од американскиот претседател Доналд Трамп, стапија во сила денеска, а во февруари САД воведоа царини од 10 отсто за стоки од Кина.
Трамп исто така најави царина од 25 отсто за целиот увоз на челик и алуминиум во САД, што треба да стапи во сила на 12 март. Тој минатиот месец рече дека ќе им наплати реципрочна тарифа на земјите што имаат такви даноци за американските стоки.
Тој исто така се закани дека ќе воведе царина од 25 отсто за земјите од Европската Унија, како и 100 отсто царина за земјите од БРИКС, доколку тие го заменат американскиот долар како своја резервна валута, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.
Свет
Јапонски борбени авиони го придружуваа летот на рускиот авион Ил-20 над јапонските острови

Јапонски борбени авиони го придружуваа летот на рускиот извидувачки авион Иљушин Ил-20 кој прелета над западниот брег на јапонските острови Хокаидо и Хоншу во Јапонското Море, по што се сврте кон копното, соопшти денеска јапонската војска.
Армијата вели дека тоа се случило во петокот, пренесе Интерфакс.
Се посочува дека биле ангажирани ловци на северните сили на јапонската воздушна одбрана, како и други борбени авиони, пренесува Танјуг.