Свет
Бајден: Ако продолжиме вака, ќе му го дадеме на Хамас што сака

Американскиот претседател Џо Бајден рече дека продолжувањето на патот на убиства и војна во Газа ќе значи дека Хамас го добил она што го сака.
„Хамас почна терористички напад затоа што не се плашат повеќе од Израелците и Палестинците кои живеат рамо до рамо во мир. Да се продолжи по патот на теророт, насилството, убиствата и војната е да му се даде на Хамас она што го сака“, напиша Бајден.
Анализирајќи ја пораката на Бајден, експертот за меѓународни односи, Доминик Вагорн, даде свое мислење за, како што рече, „малку збунувачки формулирана порака“.
Hamas unleashed a terrorist attack because they fear nothing more than Israelis and Palestinians living side by side in peace.
To continue down the path of terror, violence, killing, and war is to give Hamas what they seek.
We can’t do that.
— Joe Biden (@JoeBiden) November 28, 2023
„Моето толкување е дека тоа не е порака до Израел да не се враќа во војна, но тоа секако значи омекнување на наративот во Белата куќа што го видовме во последните денови“, рече тој додавајќи дека „тоа ќе биде интересно да се види што произведува дипломатијата зад сцената, но, пред сè, тоа е обид да се продолжи примирјето“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Авион се урна покрај автопат во САД, има загинати

Има сомнежи дека две лица загинале во мал авион што се урнал во јужниот дел на американската сојузна држава Луизијана, соопштија властите.
Авионот вчера околу 20 часот и 30 минути по локално време, паднал во мочурлив простор во близина на автопатот, а причината за уривањето ја утврдуваат Националниот одбор за безбедност на транспортот и Федералната управа за авијација, пренесува АП.
До утрото, официјалните лица стигнаа до урнатините, а голем дел од авионот со двете лица бил под вода.
Официјален претставник на канцеларијата на шерифот ги потврди медиумските извештаи за Асошиетед прес дека и двете лица се претпоставува дека се мртви.
Свет
Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден лош ден.
„Но, долго време ќе имаме бум на берзата, бидејќи повторно инвестираме во САД“, рече тој.
Потпретседателот нагласи дека владата сака Волстрит да работи успешно: „Но она што ни е најважно се американските работници и американските мали бизниси. Тие се оние кои ќе имаат најголема корист од овие политики“.
Венс, исто така, рече дека воведените царини можеле да бидат многу повисоки, но дека Трамп се обидува да испрати порака дека САД ќе бидат донекаде попустливи.
Свет
Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд.
Трамп повеќе пати повторуваше дека сака големиот арктички остров да стане дел од Соединетите Американски Држави. Гренланд моментално е автономен дел од Кралството Данска.
На конференцијата со новоизбраниот премиер на Гренланд Јенс-Фредерик Нилсен и неговиот претходник Муте Егед, Фредериксен директно им се обрати на САД. „Не можете да анектирате друга земја, дури и со аргументот за меѓународна безбедност“, рече таа.
Таа рече дека САД и Данска се блиски пријатели и дека не сака ништо друго освен да го продолжи тоа пријателство.
„Ако дозволиме да бидеме поделени како сојузници, тогаш им правиме услуга на нашите непријатели“, рече таа. „Но, кога барате да преземете дел од територијата на Кралството Данска, кога се соочуваме со притисок и закани од нашиот најблизок сојузник, што да мислиме за земјата на која и се восхитуваме толку години?“
Таа рече дека не се работи само за Гренланд или Данска. „Се работи за светскиот поредок што го градиме заедно преку Атлантикот со генерации“.
Тридневната посета на данската премиерка на Гренланд дојде откако американската делегација предводена од потпретседателот Џеј Ди Венс минатата недела пристигна на островот.
Фредериксен се соочува со предизвикот да ги балансира односите со САД како важен трговски партнер, истовремено поддржувајќи го правото на Гренланд на самоопределување и одржување на кохезијата во Данска.