Свет
Бајден ги урива родовите бариери – номинираше жена за командант на морнарицата
Американскиот претседател Џо Бајден вчера ја номинираше адмирал Лиза Франчети за командант на морнарицата, потег што треба да ги укине родовите бариери во американската војска и да ја направи Фрачети првата жена што командувала со морнарицата и станала член на Генералштабот на армијата.
Одлуката на Бајден беше изненадувачка. Официјални лица на Пентагон очекуваа дека Бајден за таа функција ќе го номинира Самуел Папара, кој командува со морнарицата во Пацификот и има искуство со растечките предизвици што им ги поставува Кина на САД.
Меѓутоа, Франчети, актуелниот заменик-началник за поморски операции, беше меѓу кандидатите за кои се верува дека се во трка за функцијата.
Во соопштението за медиумите, Бајден истакна дека Франчети има 38-годишно искуство. „Во текот на нејзината кариера, адмиралот Франчети покажа голема експертиза и на оперативната и на политичката сцена“, рече Бајден, додавајќи дека таа е само втората жена во историјата што го добила чинот адмирал со четири ѕвезди во американската морнарица.
Сепак, Франчети не е првата жена која раководи со еден од родовите на американската војска. Минатата година Бајден ја номинираше адмирал Линда Фаган за шеф на американската крајбрежна стража.
Но, крајбрежната стража официјално не е дел од Министерството за одбрана, туку потпаѓа под Министерството за домашна безбедност. Затоа Франчети ќе стане првата жена што ќе раководи со род на војската под Министерството за одбрана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најден е урнатиот хеликоптер во кој се наоѓал иранскиот претседател Раиси
Спасувачки тим вечерва го пронашол урнатиот хеликоптер во кој се наоѓал иранскиот претседател Ебрахим Раиси, објави иранската државна телевизија.
Агенцијата ИРНА наведува дека е објавена точната локација каде се урнал хеликоптерот во областа меѓу Ардешир и Бразин во Варзеган.
Хеликоптерот со иранскиот претседател Ебрахим Раиси имал инцидент при слетувањето во Источен Азербејџан.
Областа е карпеста, маглива и врнежлива, а овие услови многу ја отежнаа потрагата.
Хеликоптерот со иранскиот претседател Ебрахим Раиси денес доживеа „тешко слетување“.
Свет
Израел: Демонстрантите бараат итен договор за заложниците, се обрати Хилари Клинтон
Илјадници активисти се собраа во центарот на Тел Авив барајќи предвремени избори и итен договор за ослободување на израелските заложници во Појасот Газа, а поранешната американска секретарка Хилари Клинтон им се обрати на демонстрантите преку видео врска. Треба да преземете итна акција за да ги вратите дома“, рече Клинтон, пренесува Танјуг.
Амбасадорот на САД во Израел, Џек Лу, рекол дека САД ги продолжуваат преговорите за враќање на заложниците, пишува The Times of Israel. Демонстрантите го блокираа автопатот Ајалон и запалија огнови, барајќи итен договор за ослободување на заложниците од Газа.
Бидејќи демонстрантите одбија да се разотидат по завршувањето на одобрениот митинг, полицијата го прогласи протестот за незаконски и интервенираше за деблокирање на автопатот.Полицијата соопшти дека уапсила осомничен за нарушување на редот на антивладините протести во Тел Авив.
Околу 200 демонстранти излегоа на одделни протести во Ерусалим, кои се одржаа во близина на Кнесетот.
Регион
Поставен рекорд во центарот на Белград: 1.000 гитаристи свиреа истовремено
Концертот на Guitar Art денеска собра 1.000 гитаристи на Трг Република во Белград, кои поставија национален рекорд во присуство на инструменталисти кои свират на гитара и слични инструменти на едно место во Србија свирејќи во рокенрол прослава со познати музичари, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на Трг Република. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на Трг Република да уживаат во првокласен музички настан.