Свет
Бајден го откри условот за повлекување од претседателската трка
![](https://makfax.com.mk/wp-content/uploads/2024/07/677z381_677z381_677z381_1-Biden-65ff2e013233e.jpg)
Претседателските избори во САД ќе се одржат на 5 ноември.
Американскиот лидер Џозеф Бајден во интервју изјави дека ќе се повлече од претседателската трка доколку лекарите откријат дека има здравствени проблеми, пренесува Си-би-ес.
Шефот на Белата куќа смета дека единственото нешто што доаѓа со годините е мудроста.
Пред тоа изјави дека неговата здравствена состојба не бара дополнителни проверки, но дека е подготвен за нив доколку тоа го побараат лекарите.
Има сѐ повеќе повици меѓу демократите да номинираат друг кандидат за замена на Бајден по неуспехот на неговата дебата со Трамп. Теоретски, партијата ќе има таква можност на конгресот во август, но во пракса ќе биде тешко да се отстрани американскиот претседател од трката доколку тој самиот не одбие да учествува. Истовремено, дел од политичарите велат дека има намера да остане во трката и да оди до крај, стои во написите на медиумите во регионот.
Втората дебата Бајден – Трамп е закажана за 10 септември.
Претседателските избори во САД ќе се одржат на 5 ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Русија за ризикот од Третата светска војна: Западот си игра со оган, тоа е многу опасно
![](https://makfax.com.mk/wp-content/uploads/2024/08/c974532c-fd81-479e-96f9-83acb9429ddc.jpg)
Русија му порача на Западот дека си игра со оган додека размислува да и даде дозвола на Украина да напаѓа длабоко на руската територија со западни ракети и ги предупреди Соединетите Американски Држави дека Третата светска војна нема да биде ограничена само на Европа.
Украина го нападна западниот руски регион Курск на 6 август и зазеде дел од територијата во најголемиот напад на странска земја врз Русија од Втората светска војна. Рускиот претседател Владимир Путин изјави дека Русија достоинствено ќе одговори на нападот.
Сергеј Лавров, министер за надворешни работи на Путин повеќе од 20 години, рече дека Западот се обидува да ја ескалира војната во Украина и дека „бара проблеми“ со разгледување на украинските барања за ублажување на ограничувањата за употреба на оружје испорачано од странство.
Од инвазијата на Украина во 2022 година, Путин постојано предупредуваше на ризикот од многу поширока војна, во која ќе бидат вклучени најголемите нуклеарни сили во светот, иако тој рече дека Русија не сака конфликт со НАТО предводен од САД.
„Сега уште еднаш потврдуваме дека играњето со оган, а тие се како мали деца кои си играат со кибрит, е многу опасна работа за возрасните чичковци и тетки на кои им е доверено нуклеарно оружје во една или друга западна земја“, им рече Лавров на новинарите во Москва.
„Американците јасно ги поврзуваат разговорите за Третата светска војна со нешто што, не дај Боже, ако се случи, ќе влијае само на Европа“, рече Лавров. Тој додаде дека Русија ја „разјаснува“ својата нуклеарна доктрина.
Руската нуклеарна доктрина од 2020 година наведува кога нејзиниот претседател ќе размисли за користење нуклеарно оружје: генерално како одговор на напад со користење на нуклеарно или друго оружје за масовно уништување или конвенционално оружје „кога самото постоење на државата е загрозено“.
Украинскиот претседател Володимир Зеленски изјави претходно овој месец дека нападот врз рускиот регион Курск покажа дека заканите на Кремљ за одмазда се блеф.
Зеленски рече дека поради ограничувањата наметнати од сојузниците, Украина не може да користи расположливо оружје за да гаѓа некои руски воени цели. Тој ги повика сојузниците да донесат похрабри одлуки за помош на Киев во војната.
Русија ја повика Украина за користењето на западно оружје во Курск, вклучувајќи британски тенкови и американски ракетни системи. Киев потврди дека користел американски ракети ХИМАРС за да ги уништи мостовите во Курск.
Вашингтон тврди дека не бил информиран за плановите на Украина пред ненадејниот упад во Курск. САД, исто така, соопштија дека не биле вклучени во таа операција.
Шефот за надворешно разузнавање на Путин, Сергеј Наришкин, во вторникот рече дека Москва не верува во тврдењата на Западот дека нема никаква врска со нападот во Курск. Сергеј Рјабков, заменик-министер за надворешни работи на Русија, рече дека вмешаноста на САД е „очигледен факт“.
„Њујорк тајмс“ објави дека САД и Велика Британија и доставиле на Украина сателитски снимки и други информации за регионот Курск неколку дена по украинскиот напад. „Тајмс“ објави дека целта на разузнавањето била да и помогне на Украина подобро да ги следи руските засилувања.
Свет
Британка починала на пластична операција: телото без органи било вратено на семејството
![](https://makfax.com.mk/wp-content/uploads/2023/05/armed-police-shot-dead-dangerous-818787484.jpg)
Британска мајка на две деца почина за време на операција „Бразилско подигнување на задникот“ во Турција, за која се надевала дека ќе и го промени животот. Фризерката Кајдел Браун (38) од Шефилд, Англија, платила 10.500 долари за операцијата, во која имало затегнување на стомакот и подигнување на градите, пишува „The Sun“.
Нејзината очајна сестра Лине (40), која требалоо да ја направи истата операција, ја критикувала клиниката во Истанбул, за која рекла дека е „место што треба да се затвори“.
Сестрите биле возбудени поради доаѓањето во Турција. Кајдел прва влегла во салата. Лин го чекала својот ред, но Кајдел починала во собата за опоравување.
Лин се присетила како клиниката и ја соопштила потресната вест.
„Таа отиде на операција околу 9:30 и тогаш последен пат ја видов“, изјавила Лин. Ја чекала во собата да се врати. Неколку пати прашала за неа и само ѝ било кажано дека ќе дојде. Потоа дошле тројца мажи и ја замолиле да дојде со нив. Почнале да и објаснуваат дека можни се компликации по операцијата. Таа само прашала дали нејзината сестра починала.
„Извинете, но да“, и кажале. Лин била шокиран. Клиниката, според написите и ги вратила парите за двете операции. Меѓутоа, не и дозволиле да го види телото на сестра си. Во Велика Британија, судскиот вештак и ја соопштил шокантната вест. На телото на нејзината сестра му недостасувале делови од мозокот, белите дробови и срцето.
Портпаролот на британското Министерство за здравство и социјална заштита ги повикал сите сограѓани темелно да ги испитаат квалификациите на лекарот и клиниката каде планираат да одат на операција. ITW News контактирале со спорната клиника во Турција.
„Не се пронајдени докази за повреда на органи. Телото, недопрено, го предадовме на судскиот лекар. Можно е деловите да се извадени при обид да се утврди причината за смртта“, напишале во одговорот, пренесуваат тамошните медиуми.
Британската асоцијација на естетски хирурзи проценува дека за корективни операции заклучно со 2018 година се потрошени речиси 9,7 милиони долари. Вкупно 78 отсто од операциите во Велика Британија биле на лица кои претходно ја направиле процедурата во Турција.
Регион
Белоруски активист до судиите во Србија: Не екстрадирајте ме, таму ме чека смрт
![](https://makfax.com.mk/wp-content/uploads/2024/08/Screenshot-2024-08-27-144441.jpg)
„Не екстрадирајте ме таму каде што ме чека смртта“, изјави белорускиот новинар и активист, Андреј Гњот, пред судскиот совет на Апелацискиот суд во Белград, кој треба да одлучува по жалбата на одлуката за негова екстрадиција во Белорусија поради наводно затајување данок.
По повод рочиштето, пред зградата на судот се одржа протест на солидарност, а поголема група европски режисери, актери и други уметници испратија отворено писмо до судот и министерката за правда, Маја Поповиќ, повикувајќи ги да ја запре екстрадицијата на белорускиот активист, кој помина повеќе од седум месеци во затвор во Србија и сега е во домашен притвор.
„Ве молам, поштедете ми го животот бидејќи е многу лесно“, рече Гњот на рочиштето, пренесе агенцијата „Фонет“.
Тој рече дека е новинар, режисер, политички активист и политички затвореник кој дошол во Србија да сними реклама, а завршил во затвор, каде што поминал седум месеци и шест дена, а од јуни е во домашен притвор.
„Ве молам да го погледнете обвинението од здрав разум – ако должам 300.000 евра данок, тоа би значело дека сум заработил милиони. Да имам милиони, немаше да дојдам во Србија да заработам нешто“, изјави Гњот пред судскиот совет.
Јавното обвинителство остана на ставот дека жалбите на одбраната се неосновани и треба да се отфрлат.
Судскиот совет има рок од три месеци да одлучи по жалбата, но се очекува да донесе одлука во следните три-четири недели.