Свет
Бајден и Ердоган супер-обезбедени лидери, се е како под стаклено ѕвоно на Самитот Г-20
Земјите собрани на Самитот Г-20 кој денеска и утре се одржува во Рим, се заедно сочинуваат 60 отсто од светското население, 75 отсто од глобалната трговија, 80 отсто од бруто меѓународниот приход, но исто така се одговорни и за три четвртини од емисиите што предизвикуваат драматични климатски промени, кои особено негативно се одразуваат на најсиромашните земји.
Самитот се фокусира на три главни теми: „Човекот и ефектите од Ковид-19 врз економската рамнотежа и социјалниот статус во светот“, „Планетата“ која го вклучува прашањето за климатските промени и „Просперитетот“, иднината и економската криза предизвикана од пандемиски инвестиции. Кон нив е додадена и темата за Авганистан.
Рускиот и кинескиот претседател Владимир Путин и Си Џинпинг ќе се приклучат на работата на Г-20 од далечина, а во Рим пристигнаа вкупно 39 делегации, претседатели или премиери на 20 земји, лидери на ЕУ и генералниот секретар на ОН, Антонио Гутереш.
Рим е буквално оклопен град, центарот на Самитот во радиус од 10 километри е обезбеден така што сè е како под стаклено ѕвоно. За безбедноста на Самитот и неговите лидери се грижат околу 10.000 припадници на силите за јавен ред, 500 војници, цивилен персонал, досега невидени уреди за технолошки надзор, активирани се и оние кои се подготвени да потиснат можен биолошки, хемиски или нуклеарен напад , има голем број снајперисти на покривите, пренесуваат медиумите во светот.
Посебен безбедносен предизвик се двајцата супер-надгледувани лидери, американскиот и турскиот претседател, бидејќи токму Џо Бајден и Реџеп Таип Ердоган се сметаат за можни терористички цели. Ги надгледуваат припадниците на специјалните италијански сили – Бајден во соработка со американските тајни служби, Ердоган во присуство на неговите лични телохранители. Само овие двајца лидери ги следат 40 возила.
Дополнително се контролирани сите улици каде се движат лидерите, хотелите и околината каде што се сместени, има 4.000 соби за делегации и членови на нивните семејства. Полициски единици со обучени кучиња и експерти за експлозиви ја проверуваа секоја од собите. Затворени се јавните институции, музеите, значајни споменици, археолошки локалитети, дипломатски претставништва, училишта. Приватниот воздушен сообраќај над Рим е забранет, а градот е преплавен со хеликоптери.
Со оглед на тоа што групи неофашисти и членови на движењето „Црн блок“ се откриени надвор од Италија, Министерството за внатрешни работи побара прекин на „Шенген“ од четврток навечер до понеделник во 13 часот. Денеска е најкритичниот ден за организаторите бидејќи на три локации се одржуваат три настани, пишуваат агенциите.
Но, светските лидери нема да живеат два дена само на релација Самит-хотел, бидејќи за нив се организирани посети на најважните културни споменици во Рим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Орбан: Сфатете ги сериозно нуклеарните закани на Путин, тоа не е блеф
Унгарскиот премиер Виктор Орбан, еден од ретките европски лидери во добри односи со рускиот претседател Владимир Путин, вели дека Западот треба сериозно да ги сфати заканите на рускиот лидер, пренесуваат медиумите во регионот.
„Сакам само да кажам дека кога Русите ги менуваат правилата за користење на нивниот нуклеарен арсенал, она што се нарекува нуклеарна доктрина, тоа не е комуникациски блеф“, рече тој, мислејќи на промените што Путин ги потпиша минатата недела.
„Тоа не е блеф. Доктрината е изменета и ќе има последици“, рече тој.
Според написите, Унгарија е меѓу неколкуте европски нации кои силно го поддржуваат режимот на Владимир Путин во Русија. Владата на Орбан постојано се противеше на санкциите против Русија, фрустрирајќи ја Европската унија и НАТО. Унгарија исто така се противи на помагање на Украина и на идејата Украина да се приклучи на ЕУ и НАТО, анализираат медиумите.
Свет
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје и дека нема средства во светот кои би можеле да го пресретнат.
Тој најави масовно производство на ова оружје, нагласувајќи дека овој нов систем стана уште еден гарант на суверенитетот и територијалниот интегритет на Русија.
„Во денешниот свет нема одговор за таков проектил, ниту средства за нејзино пресретнување. И уште еднаш ќе нагласам дека ќе продолжиме да го тестираме овој најнов систем“, рече Путин.
Тој на состанокот во Кремљ изјави дека ракетниот систем „Орешник“ ќе биде пуштен во употреба со стратешките ракетни сили на Русија и дека е донесена одлука за масовно производство на овој систем.
„Со оглед на посебната сила на ова оружје, неговата моќ, тоа ќе биде ставено во служба на стратешките ракетни сили“, рече Путин.
Тој истакна и дека е донесена одлука за масовно производство на системот „Орешник“, пренесува РИА Новости.
Рускиот лидер истакна дека ракетниот систем „Орешник“ кога масовно се користи „против непријателски цели“ има значење на стратешко оружје и е создаден во согласност со најновите технички достигнувања.
„Орешник“ не е средство за масовно уништување, туку високо прецизно оружје. Безбедноста на Русија е обезбедена“, нагласи тој.
Врховниот командант на руските стратешки ракетни сили Сергеј Каракаев исто така предупреди дека „Орешник“ има способност да погодува цели во Европа.
„Врз основа на поставените задачи и дострелот на ова оружје, тоа може да погоди цели низ Европа, што го разликува од другите видови прецизно оружје со долг дострел“, рече Каракајев.
Путин на состанокот во Кремљ им честитал на раководството на Министерството за одбрана и на конструкторите за успешното тестирање на ракетите „Орешник“.
Регион
(Видео) Излизгани возила, застој на автопатиштата, сообраќаен колапс поради снежна бура во Србија
Попладнево во Србија падна снег кој зад себе остави колапс во сообраќајот и предизвика дефекти во електричната мрежа.
Дождот и силните налети на ветерот се претворија во снег во Белград, каде снегот паѓаше со поголем интензитет, што дополнително ја усложни состојбата во сообраќајот и предизвика тотален колапс, пренесуваат тамошните медиуми.
Поради снежни наноси застој има на автопатот од Ниш кон Белград, на делот од патот од Алексинац кон Ражње.
Сообраќајот се одвива отежнато и на автопатот Ниш-Димитровград кај тунелот Банчарево, поради снежни наноси и сообраќајна несреќа во која учествувале патник и товарно возило, стои во написите.
Јавното претпријатие „Патишта на Србија“ ја информира јавноста дека при денешните обилни врнежи од снег на речиси целата територија на Србија, во повеќе случаи товарни возила се излизгале и на тој начин биле блокирани повеќе патни правци, поради што сообраќајот бил во прекин и на автопатот и и на патиштата со низок степен, поради некористење зимски гуми и опрема од страна на неодговорни возачи на тешки моторни возила – шлепери.
ЈП „Патишта на Србија“ апелира особено до возачите на тешки моторни возила и сите други учесници во сообраќајот да не излегуваат на пат без задолжителна зимска опрема, да користат синџири, особено во ридско-планинските предели, да ги почитуваат ограничувањата на брзината, сообраќајните сигнали и да ја приспособат својата брзина на условите на патот.
На целата територија на Република Србија, механизацијата е достапна на терен 24 часа, а екипите на патиштата се во готовност и подготвени да интервенираат за да се обезбеди безбедно одвивање на сообраќајот, пишуваат српските медиуми.
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
Ким Џонг-ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
