Свет
Бајден: Путин го наруши мирот во Европа, сега ние стапуваме на сцената
![](https://makfax.com.mk/wp-content/uploads/2022/06/joe_biden-1.jpg)
Американскиот претседател Џо Бајден најави ново распоредување на американски војници во Европа.
„Путин го наруши мирот во Европа. САД и нивните сојузници стапуваат на сцената докажувајќи дека НАТО е понеопходен и поважен од кога било“, порача тој од Мадрид.
Американскиот претседател изјави и дека САД ја менуваат позицијата на моќ во Европа врз основа на заканите што доаѓаат од Русија. Тој потврди дека САД ќе го зголемат бројот на разурнувачите во Шпанија од четири на шест, пренесува „Ројтерс“.
Тој изјави дека Вашингтон ќе испрати две дополнителни ескадрили „Ф-35“ во Велика Британија и ќе го формира штабот на 5. армија во Полска.
BREAKING: @Potus announces new US military deployments to Europe:
1. Create permanent HQ for US 5th Army Corps in Poland
2. Deploy additional rotational brigade to Romania
3. Deploy 2 additional F-35 squadrons to the UK
4. “Enhance” rotational deployments in Baltics— Nick Schifrin (@nickschifrin) June 29, 2022
„САД ќе го зајакнат своето воено присуство во Европа за да може НАТО да одговори на заканите што доаѓаат од сите правци и од сите области – копно, воздух и море“, рече тој.
Самитот на НАТО, на кој се собираат повеќе од 40 шефови на држави и влади, почна синоќа во Мадрид, а неговиот работен дел се одржува денеска. Самитот, на кој меѓу централните теми ќе биде војната во Украина, завршува утре. По вчерашното турско укинување на ветото, Шведска и Финска ќе може да влезат во НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.