Свет
Бајден сè повеќе огорчен од Нетанјаху, предложи решение за ставање крај на војната во Газа

Американскиот претседател Џо Бајден и јорданскиот крал Абдула вчера разговараа за важноста на стабилноста на Западниот Брег, а Бајден рече дека САД се за шестнеделна пауза во борбите меѓу Израел и Хамас во Газа како отскочна штица за подолг прекин на огнот.
Бајден и јорданскиот крал Абдула, долгогодишни сојузници, се сретнаа вчера во Белата куќа и нивниот разговор опфати голем број предизвици, вклучувајќи ја претстојната израелска копнена офанзива во јужниот дел на Газа и заканата од хуманитарна катастрофа меѓу палестинските цивили.
Бајден, кој покажа зголемено огорченост со израелскиот премиер Бенјамин Нетанјаху затоа што не го послушал неговиот совет да направи повеќе за да ги намали жртвите и да ги заштити цивилите во Газа, рече дека Соединетите држави работат со сојузниците во регионот за да се договорат за пауза во борбите за дозволи ослободување заложниците во Газа и го зголеми протокот на хуманитарна помош.
„САД работат на договор за заложници меѓу Израел и Хамас што ќе доведе до непосреден и одржлив период на мир во Газа најмалку шест недели“, рече Бајден на прес-конференција по неговиот состанок со Абдула.
Истакнувајќи дека тој работи на ова прашање „ден и ноќ“, Бајден рече дека шестнеделната пауза во непријателствата ќе обезбеди основа „да се изгради нешто потрајно“. На конференцијата Абдула ја нагласи итноста на маките на Палестинците, особено на повеќе од еден милион цивили кои бараат засолниште во градот Рафах во јужниот дел на Газа.
„Не можеме да стоиме настрана и да дозволиме ова да продолжи. Сега ни треба траен прекин на огнот. Оваа војна мора да заврши“, рече тој.
Средбата дојде откако Бајден стана сè погласен во неговото барање Израел да не започне копнена офанзива во градот Рафах, јужна Газа, без план за заштита на палестинските цивили.
Бајден разговараше со Нетанјаху во неделата, а Белата куќа рече дека тој нагласил дека „воената операција во Рафах не треба да продолжи без веродостоен и остварлив план за обезбедување безбедност и поддршка за повеќе од еден милион луѓе кои се таму“.
Пред да тргне на турнеја низ западните престолнини, Абдула учествуваше во воздушниот транспорт на хуманитарна помош во Газа, потег што ја истакна улогата на неговото кралство во притисокот врз Израел да престане да ги ограничува напорите за борба против болестите и гладот во енклавата.
Тимот на Бајден се обидуваше да преговара за пауза во борбите за да обезбеди ослободување на заложниците кои ги држеше Хамас откако палестинската милитантна група која владее со Газа започна напад во јужен Израел на 7 октомври, при што загинаа 1.200 луѓе.
Палестинските здравствени власти проценуваат дека во Газа повеќе од 28.000 луѓе биле убиени и речиси 68.000 ранети во израелската офанзива против борците на Хамас. По повеќе од четири месеци војна, голем дел од густо населената енклава е во урнатини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас го критикува Трамп: Европа не може сама да ја носи одговорноста за украинската војна

Шефицата на европската дипломатија, Каја Калас, изјави дека Европа не ја сноси единствената одговорност за прекинување на конфликтот во Украина и дека не може сама да го носи овој товар.
Калас со тоа одговори на неодамнешните изјави на американскиот претседател Доналд Трамп нагласувајќи дека е неопходна заедничка акција на сите сојузници за решавање на кризата.
„Европа не може сама да го носи товарот на војната во Украина“, рече Калас додавајќи дека ова е особено важно со оглед на ветувањата на Белата куќа да се залага за прекин на борбите.
Според „Политика“, во европските дипломатски кругови се проценува дека изјавите на Трамп алудираат на постепено повлекување на САД од украинскиот конфликт со префрлање на главната одговорност на европските членки. Како одговор, Калас истакна дека Вашингтон мора да остане во целосна солидарност со НАТО потсетувајќи дека САД се најголемиот и најважен сојузник на алијансата.
Оваа контроверзност следуваше по моментот кога украинскиот претседател Володимир Зеленски пристигна во Њујорк на 80-тото заседание на Генералното собрание на ОН, каде што се сретна и со претставници на Белата куќа. Трамп претходно изјави дека Украина, со поддршка од Европската Унија и финансиска помош од НАТО, е способна да ги врати изгубените територии.
Реагирајќи на таков став, портпаролот на Кремљ, Дмитриј Песков, оцени дека американскиот претседател дава нови изјави под влијание на „визијата на шефот на киевскиот режим“.
Фото: принтскрин
Свет
Трамп: Русија тоне, време е да запре

Американскиот претседател Доналд Трамп остро ја критикува економската и воената позиција на Москва во екот на војната во Украина велејќи дека руската економија е во катастрофална состојба и дека оди по ѓаволите, пренесуваат светските медиуми.
По средбата со турскиот претседател Реџеп Таип Ердоган, Трамп рече дека „Русија стави сè на коцка и не постигна речиси никакви територијални придобивки“. Според него, Москва потрошила милијарди на бомби, ракети и човечки животи, а исходот е незадоволителен. „Мислам дека е време да се запре. Навистина мислам“, рече тој.
Покана до Турција да се откаже од руската нафта
Трамп нагласи дека Анкара би можела да игра клучна улога во забрзувањето на крајот на конфликтот доколку се откаже од руската нафта. Според него, Турција има многу опции за снабдување со енергија за разлика од Унгарија или Словачка, кои немаат алтернативни извори преку морето.
Спротивставени процени за Москва
Додека Трамп предупредува дека руската економија се урива, официјална Москва испраќа разни сигнали. Гувернерката на Централната банка, Елвира Набиулина, неодамна истакна дека земјата продолжува да бележи умерен раст, а претседателот Владимир Путин нагласи дека западните санкции не ја скршиле руската економија предупредувајќи дека самата Европа се балансира на работ на рецесија.
Американско-руските контакти продолжуваат
И покрај жестоката реторика, дипломатските контакти меѓу Москва и Вашингтон не се прекинати. Рускиот министер за надворешни работи, Сергеј Лавров, и американскиот државен секретар, Марко Рубио, разговараа за можните начини за решавање на украинската криза во Њујорк надоврзувајќи се на договорите постигнати за време на претходните состаноци.
Фото: принтскрин
Свет
Запленети над 200.000 од популарните кукли Лабубу: содржеле токсини

Британската царина заплени фалсификувани играчки во вредност од повеќе од 3,5 милиони фунти, соопшти денес Канцеларијата за интелектуална сопственост (IPO) на земјата.
Од запленетите 259.000 играчки, 90 проценти биле копии од популарните кинески кукли Лабубу, кои станаа глобален хит оваа година благодарение на социјалните медиуми, објави „Скај њуз“.
Меѓу ризиците се задушување, присуство на токсични хемикалии и неисправни делови.
„Сериозни опасности за децата често се кријат зад атрактивно пакување“, предупреди Хелен Барнам од IPO.
Порано овој месец, 100 лажни кукли Лабубу беа пронајдени во две продавници во западен Лондон, кои беа оценети како потенцијално смртоносни поради делови што би можеле да предизвикаат задушување.
Огромното мнозинство од купувачите, 92 процента, се свесни дека на пазарот има фалсификувани играчки, но истражувањата на IPO покажуваат дека цената често им е поважна од безбедноста.
Седум од десет родители рекле дека пониската цена е нивниот најважен критериум, а само 27 проценти ја навеле безбедноста како приоритет.