Свет
Бајден се подготвува за Белата куќа
Демократскиот претседателски кандидат Џо Бајден се подготвува да ја преземе функцијата претседател на САД. Врз основа на 99 отсто од пребројаните гласови во Пенсилванија, Бајден има 49,64 отсто од гласовите, додека Трамп има 49,21 отсто од гласовите“, јави Фокс Њуз.
Кандидатот за претседател на Демократската партија изјави дека Американците ја одбрале промената, изрази очекување дека ќе добие близу 300 гласачки гласови и дека демократите по повеќе од две децении ќе победат во државите Аризона и Џорџија.
„Демократијата функционира“, рече Бајден, повикувајќи на мир и трпеливост, и повтори дека Американците можат да бидат неистомисленици и ривали, „но не и непријатели“, објави Си-ен-ен.
„Сакам луѓето да знаат дека нема да чекаме да ја завршиме работата“, рече Бајден во обраќањето до нацијата.
Според Бајден, Америка бележи драматично зголемување на бројот на дневни случаи на инфекција.Тој изјави дека скоро 240.000 луѓе починале од вирусот корона и рече дека сака тие семејства да знаат дека не се сами. Тој исто така им се обрати на милиони Американци кои остануваат без работа и се борат да платат кирија или да купат храна.
„Немаме повеќе време за губење во партизанската војна“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Страшна борба меѓу крузер и огромни бранови: патниците од силината на ударите паднале на подот

Одењето на крстарење околу Кејп Хорн во Јужна Америка изгледало како идеална можност за одмор за повеќе од 135 туристи. Тие се впуштија во голема авантура на бродот „Ocean Explorer“ од компанијата Quark Expeditions.
Меѓутоа, патниците ги пречекало невреме и бранови високи 11 метри, за време на патувањето низ познатиот премин Дрејк, пишува Daily Mail.
Познатата блогерка Лесли Ен Марфи снимила застрашувачки снимки од брод кој минува низ огромни бранови.
Таа проценува дека биле високи меѓу 10 и 11 метри, а на видеото се гледа како тие поминуваат преку палубата и удираат во прозорците на бродот.
На видеото, кое беше објавено на Инстаграм , се гледаат неколку патници згрчени во близина на големите прозорци додека брановите немилосрдно удираат.
Во исто време кога пенестата бела вода удрила врз луксузниот брод, предизвикувајќи тој да се ниша лево-десно, луѓето изгубиле рамнотежа и паднале.
Во еден кадар, група патници трчаат од страна на страна додека крстаречкиот брод се ниша во силните струи.
„Горд сум што можам да кажам дека не преживеавме еден, туку двајца шеици Дрејк! За контекст, преминот Дрејк е водното тело помеѓу врвот на Аргентина и Антарктикот “, објасни блогерката, додавајќи „познато е по екстремно бурните води. Ако имате среќа, ќе го добиете Дрејк Лејк. Ако сте како нас, ќе го добиете Дрејк Шејк со бранови од 11 метри“.
Свет
Противниците на Трамп денеска на масовни протести низ САД

Околу 1.200 демонстрации се планирани денеска ширум САД, а организаторите очекуваат тоа да биде најголемиот ден на протести против американскиот претседател Доналд Трамп и неговиот сојузник Илон Маск, објави Ројтерс.
Протестите наречени „Одземени раце“ ќе им дадат можност на противниците на Трамп да го изразат своето незадоволство од надворешната и внатрешната политика на Трамп на САД, наведува агенцијата.
„Ова е масовен протест кој испраќа многу јасна порака до Маск, Трамп, републиканските конгресмени и сите сојузници на движењето Направете ја Америка повторно голема (MAGA) дека не сакаме нивните раце во нашата демократија, заедници, училишта, пријатели и соседи“, рече Езра Левин, ко-основач на Indivisible, една од групите што ги организираа настаните овој викенд.
Според податоците од веб-страницата на настанот, околу 150 активистички групи се пријавени за учество.
Планирани се протести во сите 50 држави, како и во Канада, Британија, Франција, Германија, Мексико и Португалија.
Најголемите собири се очекуваат на Националниот плоштад во Вашингтон.
Групите кои се противат на обновената воена акција на Израел во Газа и акциите на администрацијата на Трамп против протестите во кампусите ќе учествуваат и на протестите во Вашингтон, објавија организаторите, пренесува Танјуг.
Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.