Свет
Бајден ја обвини Кина за прикривање на клучни информации за потеклото на пандемијата
Американскиот претседател Џозеф Бајден ја обвини Кина дека прикрила „клучни информации за потеклото на пандемијата на коронавирусот“, по објавувањето на резимето на извештајот на американската разузнавачка истрага, во кој останаа одредени нејаснотии.
Извештајот, означен како строго доверлив, беше доставен оваа недела до Бајден, кој на разузнавачките служби им даде рок од 90 дена за да ги удвои напорите и да го објасни потеклото на пандемијата на коронавирусот.
Според делови од извештајот, разузнавачките служби заклучиле дека коронавирусот, чие научно име е САРС-КоВ-2, не е развиен како биолошко оружје и оти веројатно не е генетски модифициран. Сепак, останува поделеност во ставот дали коронавирусот е предизвикан од природна изложеност или е резултат на „лабораториска несреќа“.
„Клучни информации за потеклото на пандемијата постојат во Кина, а од почетокот тамошните власти работеа на спречување на пристапот на меѓународните истражители“, рече Бајден.
Тој додаде дека Кина продолжува да ги отфрла повиците за транспарентност и крие информации, иако пандемијата на коронавирусот сè уште е присутна.
Кинеската Амбасада во Вашингтон веднаш реагираше и ги обвини САД за политичка манипулација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.