Свет
„Бебешкото столче“ на Трамп стана хит на интернет, сите му се потсмеваат

Новинарите кои беа поканети на прес-конференцијата кај претседателот во заминување Доналд Трамп не можеа да се изначудат на глетката. Крупниот и висок 190 сантиметри претседател на најмоќната држава седеше на маса за „џуџиња“, објавија медиумите.
May this be how we remember the Trump presidency: a baby at his tiny little desk throwing a tantrum pic.twitter.com/T26DjF1fL4
— Parker Molloy (@ParkerMolloy) November 27, 2020
Фотографиите на кои се гледа американскиот претседател Доналд Трамп како седи во минијатурно столче на мала маса во Белата куќа изгледаат толку чудно и смешно, што не требаше долго за да станат нов „предмет на потсмев“ на социјалните мрежи.
I see no difference #tinydesk pic.twitter.com/6mRpPaIzaB
— morgan mayes (@Morgan_Mayes) November 27, 2020
По нивното објавување на Твитер, започнаа да се шират бројни смешни коментари и фотомонтажи.
Here’s the thing about the small desk Trump is sitting at. It’s like… a bill-signing desk. It’s meant to have a dozen or so people around it. I think it might be small so that more people can cram in for a photo op.
It is not intended to be a desk you sit at alone. pic.twitter.com/LOc0M1bImE
— Louie Mantia, Jr. (@Mantia) November 27, 2020
Во четвртокот, по повод американскиот Денот на благодарноста, Трамп одржа телеконференција со припадниците на американската војска, избирајќи исклучително необичен мебел. Новинарите поканети на конференцијата не можеа да не се изненадат од необичната глетка, бидејќи крупниот Трамп едвај седнал на минијатурнара маса.
— Acyn Torabi (@Acyn) November 27, 2020
По телеконференцијата, Трамп одговараше на новинарски прашања, а главната тема беше повторно наводната изборна измама, за која Трамп не престанува да зборува.
„Во еден момент, Трамп упадна кон дописникот на Ројтерс. Бесното лице на Трамп на малечката маса даде дополнителна причина за шеги на Интернет на негова сметка. Целата сцена изгледаше уште побизарна поради другите детали во собата. Зелениот тепих изгледаше како никој да не го чистел долго време, огромната подлога за микрофон создаде илузија дека Трамп е уште помал во столчето, а не украсената новогодишна елка дополнително ја „зачини“ ситуацијата. И додека сите се прашуваа од каде Трамп ја најде својата масичка, еден корисник на Твитер ја објасни нејзината цел. Ова столче не е наменето за такви прилики, туку за потпишување документи и повелби. Неговата цел е претседателот да седи кога зад него има многу луѓе, така што секој може да застане во кадарот за фотографирање“, пишуваат медумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најмалку 25 лица загинаа во текот на ноќта во нови напади на израелската армија врз Појасот Газа

Најмалку 25 лица загинаа во текот на ноќта во нови напади на израелската армија врз Појасот Газа, во време кога мировните преговори се во застој.
Според здравствени извори, голем дел од жртвите се убиени додека чекале хуманитарна помош во близина на граничниот премин Зиким со Израел. Меѓу загинатите има и четири лица од иста семејна зграда во градот Газа.
Организацијата на Обединетите нации предупреди на ризик од масовна глад во енклавата, и покрај тврдењата на Израел дека не ги блокира доставите на помош. Според ОН, големиот дел од помошта не може да стигне до населението поради воени блокади и грабежи.
Преговорите за прекин на огнот меѓу Израел и Хамас се прекинати, откако американските и израелските преговарачи се повлекоа од Катар. Израелскиот премиер Бенјамин Нетанјаху најави дека се разгледуваат „алтернативни опции“, додека Хамас смета дека повлекувањето било тактика на притисок.
Свет
Поради пожарите во Турција евакуирани се над 2.600 лица

Турската Дирекција за управување со вонредни ситуации (АФАД) евакуираше 2.619 лица откако оваа недела Турција се соочи со серија интензивни шумски пожари во повеќе провинции, јави весникот „Дејли сабах“.
Пожарите, поттикнати од екстремно високи температури, силен ветер и сушно време, мобилизираа илјадници спасувачи и доброволци кои учествуваат во гаснењето на огнот. Екипите се активни од воздух и копно, а според АФАД, ангажирани се 4.231 лице, 45 летала и 1.236 копнени возила.
Најтрагичниот инцидент се случи во средата, во руралниот дел на провинцијата Ескишехир, каде животот го загубија десет лица – пет шумски работници и пет припадници на организацијата АКУТ за пребарувачко-спасувачки операции, додека се бореле со огнената стихија.
Претседателот на Турција, Реџеп Тајип Ердоган, изјави во петокот дека во гаснењето учествуваат 27 авиони, 105 хеликоптери, 6.000 возила и 25.000 лица. Тој изрази сочувство до семејствата на загинатите.
Свет
Париз, Лондон и Берлин повикаа да престане хуманитарната катастрофа во Газа

Хуманитарната катастрофа во Појасот Газа мора веднаш да престане, повикаа вчера во заедничко соопштение Париз, Лондон и Берлин.
„Хуманитарната катастрофа на која сме сведоци во Газа мора веднаш да престане“, нагласија трите европски земји.
Тие на овој начин одговорија на алармот објавен од ОН и невладините организации дека постои ризик од непосреден и широко распространет глад во Газа. Трите европски престолнини ја повикуваат европската влада веднаш да ги укине ограничувањата за испорака на помош.
Франција, Велика Британија и Германија, исто така, потсетуваат дека Израел мора да ги почитува своите обврски според меѓународното хуманитарно право.
„Дојде моментот да се стави крај на војната во Газа“, додадоа тие и ги повикаа сите страни да го прекинат конфликтот со склучување на договор за моментално прекин на огнот.