Свет
Белата куќа: Бајден очекува продуктивна средба со кинескиот претседател
Американскиот претседател Џозеф Бајден денеска очекува продуктивна средба со кинескиот претседател Шји Џјинпинг, а советниците на двајцата лидери ќе ги остават отворени линиите на комуникација по разговорите за време на самитот, соопшти Белата куќа.
„Сите очекуваме ова да биде продуктивна дискусија денес и се надеваме дека ќе биде претходник на многу поголема комуникација и дијалог меѓу нашите два тима во иднина“, изјави портпаролот на Белата куќа Џон Кирби за новинарите пред средбата, пренесе Ројтерс.
Белата куќа соопшти дека за време на средбата со Шји, Бајден ќе изрази загриженост за почитувањето на човековите права и Ујгурите.
Шји пристигна во Сан Франциско за да учествува на самитот на Азиско-пацифичката економска соработка (APEC) и да се сретне со Бајден.
Тоа е прва посета на Шји на Америка од 2017 година, кога американски претседател беше Доналд Трамп, и прва билатерална средба меѓу двајцата претседатели по една година, пренесува Танјуг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.