Свет
Белорусија пренасочи патнички авион за да уапси опозициски активист
Европската Унија бараат итно објаснување од Белорусија за пренасочување на комерцијален лет кон Минск, каде властите го уапсија белорускиот опозициски активист и новинар, Раман Пратасевич.
Литванскиот претседател Гитанас Науседа изјави дека комерцијалниот лет бил насилно принуден на слетување и рече дека меѓународната заедница мора да преземе итни чекори за вакво нешто да не се повтори.
Науседа побара од Белорусија да го ослободи Проташевич.
„Ги повикувам сојузниците на НАТО и ЕУ веднаш да одговорат на заканата што ја претставува белорускиот режим за меѓународните цивилни летови. Меѓународната заедница мора да преземе итни чекори за да спречи тоа да се повтори“, истакна Науседа.
Тој додаде дека планира го покрене тоа прашање на утрешниот самит на Европска Унија.
Пратасевич бил приведен од полицијата кратко откако летот на Рајанер, кој беше на закажаната рута од Атина до Вилнус, слета во белоруската престолнина. „Рајанер“ соопшти дека нејзиниот екипаж бил известен од Белорусија за потенцијална закана за безбедноста во авионот и им било укажано да се пренасочат кон најблискиот аеродром, Минск.
Авиокомпанијата соопшти дека авионот безбедно слетал и патниците биле растоварени додека завршиле безбедносните проверки од локалните власти.
Повик за ослободување на сите патници од летот на Рајанер и осуда за чинот, упати официјална Атина, преку соопштение од Министерството за надворешни работи, но и преку твитот на грчкиот премиер Кирјакос Мицотакис.
Европска Унија побара на сите патници веднаш да им биде дозволено да го продолжат патувањето.
„Сите патници мора да имаат можност да го продолжат летот кон Вилнус веднаш и да им се обезбеди сигурност. Недозволиво е секое кршење на меѓународниот воздушен сообраќај“, напиша на Твитер претседателката на Европска комисија, Урсула фон дер Лајен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.