Свет
Бил Гејтс во Пекинг се сретна со кинескиот претседател: разговараa за теми важни за Кина и САД

Кинескиот претседател Шји Џјинпинг денеска се сретна со основачот на „Мајкрософт“, Бил Гејтс и рече дека се надева оти тие заеднички ќе можат да спроведат активности кои се од заеднички интерес за Кина и САД.
Во првата средба со Гејтс по неколку години, Шји го нарече американскиот претприемач „стар пријател“.
„Често велам дека основата на односите меѓу САД и Кина лежи во нејзините народи. Моите надежи ги полагам во американскиот народ“, рече Шји во видеото што го објави кинеската телевизија.
President Xi Jinping met with @BillGates. President Xi said that Mr. Gates is the first American friend he has met in Beijing this year. The people are the foundation of China-U.S. relations. We count on the American people and hope for lasting friendship between the two peoples. pic.twitter.com/a7vK6DC235
— Hua Chunying 华春莹 (@SpokespersonCHN) June 16, 2023
Тој му рече на Гејтс дека во сегашната глобална ситуација „можно е заеднички да се спроведат различни активности кои се корисни за двете земји и народи, активности кои се корисни за човештвото во целина“.
За време на средбата, Шји рече дека Кина нема да ја следи старата политика на „силна држава која сака хегемонија“, туку ќе работи со други земји за да постигне заеднички развој.
Гејтс, кој пристигна во Пекинг во средата, му рече на Шји дека е почестен што има можност да се сретне со кинескиот претседател и рече дека имаат многу важни теми за разговор. Средбата со Гејтс го означува крајот на долгата пауза што Шји ја имаше во последните години на состаноците со странски приватни претприемачи и деловни лидери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски „Интерфакс“.
Тој изјави дека рускиот претседател Владимир Путин добива онлајн-извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и од Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, набргу ќе издаде детаљно соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска, Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и на израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и на израелските објекти во Германија.
Утрово, телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа, Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“ истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.