Свет
Блинкен го бранеше американското повлекување од Авганистан од лутите американски конгресмени
Американскиот државен секретар, Ентони Блинкен, соочен со обвиненија за предавство го бранеше повлекувањето на САД од Авганистан од лутите членови на Конгресот, каде што се бараше негова оставка.
Во жестоката размена на зборови со пратениците Блинкен ја обвини претходната администрација бранејќи ја одлуката на претседателот Џо Бајден да ги повлече војниците и ги отфрли обвинувањата дека Стејт департментот можел да направи повеќе за да им помогне на Американците и ранливите Авганистанци.
Државниот секретар повтори дека поранешниот републикански претседател Доналд Трамп преговарал за повлекување со талибанците и рече дека владата на претседателот Бајден не преговарала повторно затоа што талибанците се заканиле дека ќе почнат да убиваат Американци.
„Нема докази дека останувањето би ги направило авганистанските безбедносни сили или авганистанската влада поодржливи или поотпорни“, рече тој.
„Го наследивме рокот за повлекување. Но, не го наследивме и планот“, рече Блинкен.
Администрацијата на Трамп се согласи да ги повлече сите американски војници до 1 мај.
Блинкен беше сослушан пред Комисијата за надворешни работи на Претставничкиот дом во понеделникот, а во вторник ќе сведочи пред Комисијата за надворешни работи на Сенатот.
„Американците не сакаат да губат, особено не од терористите. Но, токму тоа се случи“, рече републиканскиот пратеник Мајкл Мекол.
Тој праша зошто владата не договорила за надзор и договор против тероризмот со соседните земји за воздухопловната база „Баграм“.
„Закана за националната безбедност ќе биде доколку влезе Кина. Колку што знам, тие може да го преземат ‘Баграм’“, рече Мекол.
Блинкен рече дека САД активно работат на идентификување на заканите.
Членовите на Конгресот имаа долга листа на прашања во врска со брзиот колапс на авганистанската влада поддржана од САД и хаотичното повлекување на 124.000 луѓе, вклучително и Американци од Кабул.
Демократите изразија загриженост за Американците и ранливите Авганистанци, кои сакаа да заминат, но не успеаја, но го поддржаа повлекувањето како потребно, иако болно.
Блинкен ја пофали евакуацијата како херојски напор на дипломатите, војската и разузнавачките служби и рече дека уште 100 Американци останале во Авганистан кон крајот на минатата недела и кои сакале да заминат.
Тој рече дека САД ќе продолжат да обезбедуваат хуманитарна помош за Авганистан преку невладини организации и агенции на ОН, а не преку талибанците.
Најави дека ќе назначи висок функционер во неговото Министерство, кој ќе биде задолжен само за помош на жените, девојките и малцинствата.
Републиканците го нападнаа Блинкен поради смртта на 13 американски војници во самоубиствениот напад на аеродромот во Кабул пред крајниот рок за повлекување на 31 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Протести во цела Србија по крвавата ноќ во Нови Сад
По синоќешното полициско насилство на кампусот на Универзитетот во Нови Сад, денеска веќе се одржуваат протести во повеќе српски градови. Илјадници граѓани и студенти се собраа на улиците како одговор на, како што велат, бруталните акции на полицијата.
Од Центарот на протестите во Нови Сад се јавуваат пораки на отпор: „Ќе одговарате. Ќе одговарате. Ќе одговарате“. Студентите во блокада обвинија дека инцидентите биле инсценирани, а полициската интервенција однапред планирана. „Оние кои го нарачаа синоќешниот варваризам се свесни дека институционалното решавање на кризата би ги довело до доживотен затвор и се подготвени да ја жртвуваат Србија за да се спасат себеси“, наведоа тие.
Valjevo trenutno !!! 💪🏻❤️
Za Novi Sad ! 🙏🏻
Repost – Marija Ognjenović pic.twitter.com/iyGq5BMyiv
— Shonetin (@kaonikotinn) September 6, 2025
View this post on Instagram
Kragujevac trenutno!
Protest je trenutno ispred zgrade SUPa, sugrađani skandiraju! pic.twitter.com/wMKwFUhIux
— Kreni-Promeni (@KPromeni) September 6, 2025
Građani se okupljaju ispred “29. novembra” u Beogradu pic.twitter.com/dF6jVE7eSB
— Čuvari/ke vatre (@CuvariVatre) September 6, 2025
Министерот за внатрешни работи Ивица Дачиќ денеска изјави дека 13 полицајци се повредени, а 42 лица се приведени. Полицијата и понатаму останува распоредена пред Ректоратот и Филозофскиот факултет.
Деканите на неколку факултети на Универзитетот во Нови Сад пак побараа оставка од ректорот Дејан Мадиќ, наведувајќи дека токму на неговиот кампус полицијата извршила насилен упад врз мирни студенти. „Насилното однесување на неколку демонстранти не може да биде изговор за неселективна употреба на хемиски средства против илјадници граѓани,“ стои во нивната заедничка изјава.
Ситуацијата доби и меѓународна димензија – групата социјалисти и демократи во Европскиот парламент остро го осудија и полициското насилство и изјавите на претседателот Александар Вучиќ, кој европратениците ги нарече „олош“.
Свет
Сијарто: Не нè интересира Москва, за Украина нема место во ЕУ
Министерот за надворешни работи Петер Сијарто изјави дека ставот на неговата земја не е диктиран од Москва, туку произлегува од интересите на унгарските граѓани. Тој се повика на референдум, според кој мнозинството гласачи се изјасниле против украинското членство поради загриженост за земјоделството, пазарот на труд и безбедноста.
Изјавата дојде по средбата на украинскиот претседател Володимир Зеленски со претседателот на Европскиот совет, Антонио Кошта. Зеленски претходно порача дека е „чудно“ кога дури и Владимир Путин не се противи на европските интеграции на Киев, а тоа го прави Унгарија.
Сијарто возврати дека унгарската политика се креира внатрешно, а не по диктат на надворешни сили.
„Нè интересираат само нашите граѓани, а не ставовите од Москва“, рече тој.
На ова реагираше украинскиот министер за надворешни работи Андриј Сибиха, кој оцени дека приклучувањето на Украина не претставува закана за Унгарија. Тој потсети дека унгарските земјоделци активно купуваат украинска пченица, а унгарските компании и пред војната вработувале украински работници за да го пополнат недостигот од кадар.
„Наместо препукувања преку социјалните мрежи, потребна е суштинска дискусија и прагматичен пристап. Верувам дека можеме да најдеме решенија во интерес на двата народа“, порача Сибиха.
Иако сите 27 земји-членки на ЕУ формално дале зелено светло за отворање на преговорите, Унгарија и понатаму го блокира процесот. Минатата година, Будимпешта ѝ достави на Украина листа со 11 барања поврзани со правата на малцинствата, но дел од разговорите биле стопирани поради скандал со наводна шпионажа.
Во меѓувреме, Литванија предложи преговорите да започнат технички со поддршка од 26 земји, а правно да се финализираат кога Унгарија ќе се согласи.
Свет
Хрват со два ножа нападнал полицајци во Германија, тие го застрелале
Германската полиција застрела и сериозно рани 25-годишен Хрват во Сасенберг откако наводно нападнал полицајци со два ножа, соопштија канцеларијата на јавниот обвинител и полицијата, објави Билд.
И покрај повторените предупредувања од полицијата и барањата да го спушти оружјето, напаѓачот одбил да го запре нападот. Потоа полицијата го застрелала сторителот во горниот дел од телото. Тој се здобил со сериозни, но не опасни по живот, повреди и бил однесен во болница.
Според истражителите, инцидентот бил расправија меѓу соседи, а инцидентот се случил во петокот околу 14:30 часот. Во еден момент, 25-годишниот маж наводно извадил два ножа, кои подоцна ги употребил за да им се закани на полицајците.
Хрватот, објавува германскиот весник, лесно повредил 39-годишен маж и уште еден сосед (50) со оружјето, пред да избега.
Кога службите за итни случаи го фатиле во близина кратко потоа, ситуацијата ескалирала.
Чизмите им останале заглавени во стопен шеќер, повредени неколку пожарникари, пожарот во „Винчини“ под контрола
Неколку пожарникари се здобиле со изгореници на стапалата додека го гаснеле големиот пожар во фабриката „Винчини“. Тие се заглавиле во...
(Видео) Фабриката „Винчини“ во пламен, ангажирани пожарникари од повеќе градови
Голем пожар ја зафати фабриката за слатки „Винчини“ во Виница, каде што огнените јазици уништија магацини и неколку производствени погони....
Пет лица повредени, една жена во критична состојба во сообраќајка во Скопје
Пет лица се повредени во сериозна сообраќајна несреќа што се случи вчера околу 19:30 часот на улицата Христијан Тодоровски Карпош...
На Табановце чекање и до 40 минути, АМСМ апелира за трпение
Долги колони возила се создаваат на граничниот премин Табановце, каде што за излез и влез во државата се чека и...
Во Украина има 700.000 руски војници, еве каде е најголемата концентрација
Главната дирекција за разузнавање на Министерството за одбрана на Украина (ГУР) информираше дека на територијата на Украина моментално има околу...
Таксистите добиваат 200 електрични возила, Меџити го претстави проектот кој ќе го чисти воздухот
Првиот заменик на претседателот на Владата и министер за животна средина и просторно планирање, Изет Меџити, денес на работен состанок...
Мицкоски порача дека невработеноста паѓа, а економијата оди напред
Премиерот Христијан Мицкоски денеска преку објава на „Фејсбук“ порача дека најновите податоци ја потврдуваат економската стабилизација и растот кој, според...
Илиевски: Дали за торба пари Мицкоски продаде државни тајни?
Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски...
СДСМ призна дека ги прислушкувал Мицкоски, новинари и бизнисмени, вели Петрушевски
СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од...
„Не одам кај терористот“, Зеленски ја отфрли понудата на Путин
Украинскиот претседател Володимир Зеленски категорично ја отфрли идејата на рускиот лидер Владимир Путин за билатерална средба во Москва, објави Укринформ,...
Израел ги повика жителите на Газа да бегат кон југ пред офанзивата
Израелската армија утрово издаде итен апел до палестинските цивили во Газа да се евакуираат кон југ на градот, со цел...
Учениците се оставени без учебници, родителите печатат материјали од Вибер, реагираше СДСМ
Образовниот систем во Македонија ја почна хаотично новата учебна година, откако се покажа дека учениците немаат учебници, иако од ВМРО-ДПМНЕ...
Трамп: Америка нема само да се брани, туку ќе оди во војна
Американскиот претседател Доналд Трамп потпиша извршна наредба со која Министерството за одбрана на земјата се преименува во Министерство за војна,...
Македонци заминуваат кон грчките плажи, продолжениот викенд предизвика хаос на „Богородица“
Сообраќајот на државните патишта се одвива непречено и по суви коловози, но зголемената фреквенција на возила поради летните одмори и...
Летни температури во септември, Скопје до 35 степени
Граѓаните на Македонија денеска ќе уживаат во сончево и топло време со слаба до умерена облачност, соопшти Управата за хидрометеоролошки...
24-годишник осомничен за полови дејствија врз 5-годишно девојче
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека вршело...
Интерната комисија проверува дали се правеле непотребни операции на срце, методологијата за работа е утврдена
Интерната комисија за кардиолошки и кардиохируршки интервенции ја утврди методологијата за работа, која што ќе биде основата за анализата не...
(Видео) Утната процедура е можна причина за одложување на седницата за прислушувањата, Петровска бара декласификација
Пратеничката на СДСМ, Славјанка Петровска, денеска на прес-конференција оцени дека власта намерно прави деловнички грешки со закажувањето на седницата на...
Поплаки за искинати учебници стигнале и до Јаневска: Потрошивме 11 милиони евра, што побарале училиштата, тоа добиле
Учебниците законски се менуваат на пет години, учениците треба да се грижат за нив, наставниците да ги научат на тоа,...
Кривични за стружаните кои запалија душеци на депонија за да ги извадат федерите и да ги продадат
Струшката полиција поднесе кривична пријава против двете лица на возраст од 38 и 61 години кои палеа душеци на депонија....
