Свет
Блинкен потврди: Во Стејт департментот има несогласување за војната во Газа
![](https://makfax.com.mk/wp-content/uploads/2023/08/blinken1.jpg)
Американскиот државен секретар Ентони Блинкен денеска за првпат јавно потврди дека добил поплаки од персоналот на Стејт департментот за односот на администрацијата на американскиот претседател Џо Бајден кон војната во Газа.
„Од октомври, неколку луѓе во Стејт департментот покренаа прашања, изразија загриженост, критики за политиката што ја спроведува Израел, политиката што ја спроведуваме ние“, рече Блинкен во интервју за Си-ен-би-си во Давос.
„Имаме нешто што се нарекува „Канал на несогласување“ што му овозможува на секој да ја изрази својата загриженост. Имавме многу од тоа. Читам сè“, рече тој.
Други американски ТВ мрежи, исто така, известуваа за гневот на вработените во администрацијата на Бајден поради политиката кон војната во Газа, а особено бројот на цивилни жртви што продолжува да расте.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Ураганот Берил уништува се пред себе: Јамајка е погодена од ветрови со брзина од 215 километри на час, следен е Мексико
![](https://makfax.com.mk/wp-content/uploads/2024/07/gfdg.jpg)
Силниот ураган Берил ја погоди Јамајка со силни ветришта и дожд, оштетувајќи згради и корнејќи дрвја на карипскиот остров, јавува Би-би-си.
Според Си-Ен-Ен, една жена загинала на Јамајка откако дрво паднало врз нејзината куќа.
Берил, бура од четврта категорија со ветрови до 215 километри на час, го погоди јужниот брег на Јамајка.
Hurricane Beryl’s impact is being felt across most of the island as rain and wind have started to intensify within the last thirty minutes.#HurricaneBeryl #ObservingBeryl #Beryl #JamaicaObserver #AlwaysAhead pic.twitter.com/dmztpZPCoF
— Jamaica Observer (@JamaicaObserver) July 3, 2024
Фотографиите на социјалните мрежи покажуваат поплавени улици и разнесени покриви.
Ураганот, пред да падне на копното на Јамајка, уби најмалку седум лица – три во Венецуела, тројца во Гренада и еден во Сент Винсент и Гренадини.
Откако ја погоди Јамајка, Берил ослабе и се упати кон Мексико.
Свет
Американскиот новинар Такер Карлсон најави интервју со Зеленски
![](https://makfax.com.mk/wp-content/uploads/2024/07/б.jpg)
Американскиот новинар Такер Карлсон, кој го привлече вниманието на светската јавност кога во февруари го интервјуираше рускиот претседател Владимир Путин во Москва, сега најави интервју со украинскиот претседател Володимир Зеленски.
„Изгледа дека добивме интервју со Зеленски. Се обидуваме две години, а особено интензивно по интервјуто со Путин во февруари. Поентата е да им ги дадеме на Американците многу потребните информации за конфликтот што целосно ја преобликува нивната земја. Се надеваме дека интервјуто доаѓа наскоро“, напиша Карлсон на мрежата X.
Карлсон е првиот западен новинар кој интервјуирал руски претседател од почетокот на руската воена операција во Украина во февруари 2022 година. За време на двочасовното интервју објавено ноќта на 9 февруари, кое имаше повеќе од 170 милиони прегледи на социјалната мрежа Х и повеќе од 10 милиони на Јутјуб, Путин меѓу другото рече дека Русија нема да го нападне НАТО, особено Полска, Латвија и другите балтички земји.
Регион
Силни молњи предизвикаа пожари на Тасос
![](https://makfax.com.mk/wp-content/uploads/2023/05/grom-na-Rodos.jpg)
Силни молњи вчера предизвикаа два пожари на грчкиот остров Тасос, еден ден откако пожарникарите се справија со шумските пожари поттикнати од силните ветрови на два други острови.
Повеќе од 32 пожарникари со помош на 13 противпожарни возила, едно летало и два хеликоптери се обидуваат да го изгаснат пламенот што го проголтува шумското земјиште на два фронта на островот во северното Егејско Море на 306 километри северно од Атина, соопшти противпожарната бригада.
Шумските пожари станаа почести и деструктивни во Грција во последните години поради климатските промени, а грчката служба за цивилна заштита предупреди на понестабилно време во среда и четврток, наведувајќи дека се очекуваат невреме со голема фреквенција на грмежи и град.