Свет
(Видео) Арктички студ ја зафати Америка, се очекуваат рекордно ниски температури
Милиони Американци утрово ги пречека снег, замрзнат дожд и екстремно ниски температури кои зафатија поголем дел од САД, ставајќи крај на речиси двегодишната „снежна суша“ во Њујорк.
Се очекуваат рекордно ниски температури до -34 степени.
Најниска температура во САД е забележана во гратчето Бригсдејл, Колорадо, -38 степени.
Во Њујорк, каде речиси две години немаше повеќе од 3 сантиметри снег, жителите се разбудија во град покриен со снег. Во Централ Парк паднаа 3,6 сантиметри снег, со што ставија крај на „снежната суша“ од речиси 701 ден.
Во Вашингтон паднале меѓу 10 и 13 сантиметри, а во Балтимор и Филаделфија од 5 до 8 сантиметри.
Јужните држави исто така имаат ниски температури.
Најмалку пет лица починаа од студот низ земјата. Серијата дефекти што предизвикаа прекини на електричната енергија за време на викендот, главно се санирани, иако 50.000 корисници сè уште беа без струја во вторник наутро во Орегон.
Десетици илјади луѓе се „во темнина“ и во Луизијана, Тексас и Алабама.
Повеќе од три илјади меѓународни и домашни летови се откажани поради нестабилното време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски потпиша закон кој им дозволува на затворениците да одат на фронтот
Украинскиот претседател Володимир Зеленски го потпиша законот за мобилизација, кој, меѓу другото, предвидува некои категории осуденици да може да служат војска.
Според документот, затворениците ќе може да се мобилизираат во армијата за договорна служба и ќе бидат пуштени на условна слобода. Според министерот за правда, во Украина има околу 10-20.000 осуденици, кои можеби во иднина ќе бидат мобилизирани и ќе служат во специјалните единици, пренесува „РБК Украина“.
Заменик-министерката за правда Елена Височка изјави дека пред да се усвои законот речиси 4.000 илјади затвореници се согласиле да одат на фронт во замена за условно ослободување во истражувањето спроведено во април. Истовремено, одбиени се околу 4.000 осуденици со дијагностицирани заразни болести, како ХИВ, хепатитис и туберкулоза.
Како што е наведено од Министерството за правда, од 15 мај 2024 година во украинските затвори има 27.471 осуденик, меѓу кои 1.538 жени. Заменик-министерот за правда додаде дека за законско функционирање потребно е носење подзаконски акти. Според неа, за неколку недели законот ќе биде целосно имплементиран.
Зеленски денеска потпиша и посебен закон за зајакнување на одговорноста за воени прекршоци, со кој се зголемуваат казните за оние што не ги почитуваат правилата за мобилизација.
Свет
Земјите од ЕУ повикаа на преоценување на ситуацијата во Сирија поради враќањето на мигрантите
Владите на осум земји членки на Европската Унија денеска соопштија дека е потребна преоцена на ситуацијата во Сирија за да се овозможи доброволно враќање на сириските бегалци во нивната татковина.
Во заедничката декларација официјални лица од Австрија, Чешка, Кипар, Данска, Грција, Италија, Малта и од Полска рекоа дека се согласиле за повторна процена, што ќе доведе до поефективни начини за справување со сириските бегалци, кои се обидуваат да стигнат до земјите на Европската Унија бидејќи ситуацијата во Сирија значително се промени, иако не е постигната целосна политичка стабилност, пренесува АП.
Во декларацијата се наведува дека ЕУ треба дополнително да ја зголеми својата поддршка за Либан со цел „да се намали ризикот од уште поголем прилив на мигранти од Либан во ЕУ“ откако претходно овој месец ЕУ објави пакет-помош за Либан во вредност од околу една милијарда евра со цел зајакнување на граничните контроли за да се запре приливот на баратели на азил и мигранти кон Кипар и Италија.
Свет
Санчез: Шпанија ќе ја признае Палестина само во заедничка акција со другите земји
Премиерот на Шпанија, Педро Санчез, денеска изјави дека Мадрид ќе ја признае палестинската држава само во рамките на заедничката акција со другите земји.
Во интервју за ТВ-станицата „Ла Секста“, Санчез ги негира и информациите дека Мадрид ќе ја признае Палестина на 21 мај, пренесува „Ројтерс“.
Тој претходно изјави дека очекува Мадрид да ја признае Палестина до јули и оти верува дека набргу ќе има критична маса во ЕУ, која ќе принуди неколку членки да заземат ист став.