Свет
Блинкен следната недела патува за Тонга, Нов Зеланд и за Австралија

Американскиот државен секретар Ентони Блинкен следната недела ќе оствари официјална посета на Тонга, Нов Зеланд и на Австралија, соопшти Стејт департментот.
Посебен акцент беше ставен на патувањето на Блинкен во Нукуалофа, главниот град на Тонга, каде што Блинкен ќе ја посети новоотворената американска амбасада.
Неодамна Соединетите Американски Држави го прогласија овој остров како стратешки многу важен откако Кина го зајакнa своето влијание наПацификот.
Поголем ангажман во земјите од регионот на Пацификот е еден од актуелните приоритети на надворешната политика на САД. Блинкен ќе ја посети Тонга првпат откако e шеф на дипломатијата.
Патувањето на Блинкен ќе трае од 24 до 29 јули, при што ќе ги посети и Нов Зеланд и Австралија, а по тој повод ќе присуствува на еден натпревар од Светското првенство во фудбал, чии кодомаќини се овие две земји.
Инаку, женската репрезентација на САД е актуелен светски шампион, односно ги освои шампионските титули на последните две првенства. На 27 јули Блинкен ќе престојува во Велингтон, Нов Зеланд, а патувањето ќе заврши на 28 и 29 овој месец со посета на Австралија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.