Свет
Блинкен со порака до Израел: мора да се земат предвид безбедносните и хуманитарните потреби на палестинските цивили
Американскиот државен секретар Ентони Блинкен му порача на Израел дека мора да ги земе предвид безбедносните и хуманитарните потреби на палестинските цивили пред да продолжи со каква било воена операција во Газа.
Блинкен, кој е во трета посета на регионот по нападите на 7 октомври, денеска се сретна со израелскиот премиер Бенјамин Нетанјаху и неговиот воен кабинет во Ерусалим, пред да се упати кон Западниот Брег за да се сретне со палестинскиот претседател Махмуд Абас.
„Секретарот го нагласи императивот да се земат предвид потребите за хуманитарна и цивилна заштита во јужна Газа пред какви било воени операции таму“, рече портпаролот Метју Милер.
Американски официјални лица денеска изјавија дека Вашингтон бара од Израел да ја стесни зоната на конфликтот и да се погрижи да има области во Газа каде цивилите можат да бараат безбедност, пренесува Ројтерс.
Милер додаде дека Блинкен исто така рекол дека треба да се преземат итни чекори за кривично гонење на екстремистите одговорни за насилството врз Палестинците на Западниот Брег.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелски функционер: Израел не е вмешан во смртта на Раиси
Израел на никаков начин не е вмешан во смртта на иранскиот претседател Ебрахим Раиси и неговиот министер за надворешни работи Хосеин Амир Абдолахиан, изјави израелски претставник за новинската агенција Ројтерс.
„Тоа не бевме ние“, рече функционерот, кој сакаше да остане анонимен.
Во моментов сè укажува дека хеликоптерот се урнал поради лошите временски услови и слабата видливост, додава Ројтерс и објаснува: Иран и Израел се долгогодишни непријатели, а Израел силно се противи на развојот на нуклеарната програма на Техеран.
Иран, во различен степен, поддржал, финансирал и обучувал неколку групи низ регионот на Блискиот Исток, вклучувајќи ги Хамас во Газа, Хутите во Јемен, Хезболах во Либан и бројни други фракции со седиште во Сирија и Ирак.
Израел ретко официјално ги коментира своите активности надвор од своите граници, кои во последните месеци вклучуваат напади во Либан, Сирија и Иран.
Свет
(Видео) Новинар известува покрај остатоците од хеликоптерот во кој загина претседателот на Иран, багажот на патниците е расфрлан наоколу
Претседателот на Иран, Ебрахим Раиси загина во хеликоптерска несреќа, која се урна во неделата на северозападот на земјата, а спасувачките екипи ги лоцираа остатоците и ги пронајдоа телата рано утринава.
Покрај Раиси, загина и шефот на иранската дипломатија и уште неколку лица, а нивните тела се идентификуваат.
Иранската државна телевизија објави снимка на која се гледа како спасувачките екипи носат тело покриено со ќебе на носилки, а сега објавија снимка на која се гледа како новинар од иранска државна агенција стои покрај урнатините.
گزارشی از محل سانحه بالگرد حامل رئیس جمهور pic.twitter.com/uF2wk6yiaN
— خبرگزاری ایرنا (@IRNA_1313) May 20, 2024
На снимката можат да се видат работите на патниците што се расфрлани наоколу.
Државната новинска агенција ИРНА претходно објави дека покрај претседателот Раиси и министерот Амир-Абдолахиан, ајатолахот Мохамад Али Ал-е Хашем, имам за петочната молитва во градот Табриз и генералот Малек Рахмати, гувернер на иранската провинција Источен Азербејџан, биле во хеликоптерот.
Свет
(Видео) Иранската државна агенција објави снимка од спасувачите кои ги носат телата на загинатите во хеликоптерската несреќа
Иранската државна агенција објави видео на кое се гледа како спасувачите ги носат телата на загинатите во хеликоптерската несреќа.
Да потсетиме, меѓу жртвите е и претседателот на Иран, Ебрахим Раиси.
تصاویری از انتقال پیکر شهدا توسط امدادگران هلال احمر و تکاوران نیروی زمینی ارتش به مناطق پایین دست pic.twitter.com/4frTVrqe9H
— خبرگزاری ایرنا (@IRNA_1313) May 20, 2024
На видеата се гледа како спасувачите на носилки, низ густа шума, носат тело покриено со ќебе.
Не се знае дали се работи за телото на претседателот Раиси.
Претходно беше најавено дека телата на жртвите ќе бидат пренесени во градот Табриз.
Според неименувани официјални лица, некои тела биле изгорени до непрепознатливост.
Покрај Раиси, во хеликоптерската несреќа загина и министерот за надворешни работи Хосеин Амир Абдолахиан.