Свет
Богат татко на двајца бомбаши осмничен дека ги помагал нападите на Шри Ланка

Според последните информации од Шри Ланка, полицијата смета дека татко на двајца од бомбашите самоубијци кои учествувале во терористичките напади им помогнал на синовите во организацијата, јави Си-ен-ен.
Inshaf and Ilham Ibrahim, privately educated sons of a millionaire, were agents of #IS when they walked into the Shangri-La and Cinnamon Grand hotels in Colombo, Sri Lanka, and blew themselves up, contributing to the murder of 350+ people on Sunday. https://t.co/yHYQtpw0uk pic.twitter.com/bvmck7hzx6
— Kyle Orton (@KyleWOrton) April 24, 2019
Во текот на страшниот терористички чин извршен за време на католичкиот Велигден загинаа најмалку 359 лица, а неколку стотици беа повредени.
Полицијата во неделата го уапси Мохамед Јусуф Ибрахим по нападите врз хотели и цркви. Неговите синови Иншаф Ахмед Ибрахим и Илхам Ахмед Ибрахим се двајца од бомбашите што се разнесоа при нападите.
На денот на нападот тие смирено влегле во луксузните хотели „Шангри-Ла“ и „Синамон гранд“ и додека гостите појадувале, ги детонирале своите експлозивни елеци. Во овие напади загинаа најмалку 40 странски државјани, од кои три деца.
Полицискиот портпарол Руван Гунсекера за Си-ен-ен изјави дека нивниот татко Мохамед Јусуф Ибрахим е во притвор поради сомневање дека им помогнал и ги поттикнал своите деца на терористичките напади. Полицијата задржала и други членови на семејството.
Двајцата браќа бомбаши биле членови на истакнато семејство од Коломбо, главниот град на Шри Ланка.
Мохамед Ибрахим, таткото на Иншаф и Илхам, е сопственик и основач на компанијата Ishana Exports со седиште во Коломбо, која на својата интернет-страница се рекламира како најголем извозник на зачини од Шри Ланка од 2006 година.
14. The Amaq news agency of ISIS has now provided an image of what it says were the attackers in Sri Lanka standing before the ISIS flag: pic.twitter.com/rZjjBnEZ2k
— Rukmini Callimachi (@rcallimachi) April 23, 2019
Како што веќе пренесоа светските медиуми, полицијата по нападите ги открила имињата на самоубијците и почнала да ги пребарува нивните куќи.
По упадот во домот на Илхам Ахмед Ибрахим, неговата бремена жена Фатима се разнесела притоа убивајќи ги своите три деца и тројца полицајци.
Другиот брат Иншаф (38) живеел со сопругата и четири деца, осумгодишна ќерка и три момчиња на возраст од шест, четири и две години, во куќа вредна 1,5 милион фунти во богатиот кварт на Коломбо. Во куќата имал сопствена вежбалница и голем број автомобили.
Бил успешен бизнисмен и поседувал фабрика за бакар. На својата сопруга, како што таа тврди, не ѝ најавил што ќе направи. Наместо тоа, ѝ рекол дека оди на бизнис-патување, а дека таа треба да биде храбра како и секогаш.
Роднините и вработените ги опишуваат браќата како богати, мирни и побожни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заменик началникот на ВМА: Состојбата на пациентите од Македонија е тешка

Заменикот началник на воената медицинска академија, Иван Лековиќ, денес изјави дека шест пациенти биле транспортирани во оваа здравствена установа и дека еден пациент е згрижен во воената болница во Ниш и посочи дека сите се во тешка и сериозна состојба.
Во изјавата на Министерството за одбрана се наведува дека пациентите биле транспортирани во три медицински возила и транспортниот авион на српската армија и дека еден пациент е згрижен во воената медицинска болница во Ниш. Сите пациенти кои биле примени во Воената медицинска академија се на помлада возраст, од 1998 до 2007 година, и тие се на единици за интензивно леќење, а нивната состојба е тешка и сериозна. „Ги преземавме сите мерки на интензивно лечење и ги искористивме сите наши ресурси за да им помогнеме на овие луѓе и да им помогнеме на луѓето од Северна Македонија“, рече Лековиќ.
Зборувајќи за процесот на повреди тој истакна дека сите пациенти биле во многу сериозна состојба.
„Покрај изгорениците што ги имаат сите, пациентите имаат и знаци и симптоми на труење од чадот, како и инхалациони повреди, односно оштетување на органи за дишење со топол воздух и материјали од пожарот. Лечењето е долготрајно, изискува бројни операции, вклучување на бројни други специјалисти – пулмолози, кардиолози, невролози, пластични хирурзи“, рече Лековиќ, според тамошните медиуми.
Тој додаде дека сите оперативни интервенции се изведуваат во повеќе акти и дека ќе треба да направат одредени засеци, да ги елиминираат овие оштетени површини и да ги покриваат изгорените површини со различни видови трансплантации.
„Сето тоа бара време и многу напор“, рече полковникот Лековиќ, додавајќи дека пациентот кој бил примен во болницата во Ниш, бил опериран и дека е во сериозна состојба.
Тој изјавил дека тие испратиле тим од шест члена до Македонија, кој се состои од двајца хирурзи пластичари, анестезиолог, анестетичар и двајца медицински техничари.
„Тие останаа во Скопје за да им помагаат на колегите од Северна Македонија во операцијата на пациентите. Ќе бидат таму сè додека е потребно“, истакна Лековиќ.
Македонија
Вучиќ ги посети повредените од пожарот во дискотеката од Македонија: Ќе биде добро, лекарите велат да не се грижите

Српскиот претседател Александар Вучиќ ги посети повредените во пожарот од дискотеката во Северна Македонија кои се на лекување во Клиничкиот центар на Србија.
„Ќе биде добро. Лекарите велат да не се грижите“, му кажа претседателот на еден од повредените, кој лежи во болнички кревет покриен со завои.
– Ви благодарам, тие се одлични лекари – одгови младиот пациент.
„Само држете се, ви посакувам се најдобро, не плачете, ќе бидете добро“, и рече претседателот на девојка додавајќи дека состојбата е донекаде сериозна, но нејзиниот живот не е во опасност.
„Имав можност да ги посетам луѓето кои беа повредени во страшната трагедија во Македонија. Тука лежат 9, во КЦС“, забележа тој на почетокот.
– Степенот на изгореници се движи од 4 проценти до многу повисоко ниво, за да не се исплашат семејствата. Најголем проблем за неколку пациенти се повредите на белите дробови. Но, тука. Невозможно е да се најдат подобри услови некаде во Европа. „Ќе ни дојдат уште 12 пациенти, со што вкупниот број ќе се искачи на 29“, нагласи Вучиќ.
„Уште еднаш изразувам сочувство до братскиот македонски народ“, рече тој.
Слушнавте, потсети претседателот, млад човек на триесет години кој рече „само да можам ова да го преживеам“.
Во Србија синоќа пристигнале 17 повредени, а се очекува да пристигнат уште 12.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.