Свет
Болсонаро знае како може да се реши руско-украинскиот конфликт
Претседателот на Бразил, Жаир Болсонаро, денеска изјави дека знае како би можел да се реши конфликтот меѓу Русија и Украина и дека своите предлози ќе му ги претстави на својот украински колега Володимир Зеленски, со кого ќе разговара следната недела.
„Ќе му кажам што мислам, ќе му кажам потенцијално решение за сето ова. Знам дека може да се реши, но никому нема да кажам што е тоа. Решението би можело да биде слично на она што го имаше Аргентина со Велика Британија во 1982 година“ – изјави Болсонаро без да даде повеќе детали, пренесе „Ројтерс“.
Телефонскиот разговор меѓу Болсонаро и Зеленски е планиран за 18 јули.
Бразилскиот претседател рече дека украинскиот лидер ја иницирал приказната и дека Болсонаро веднаш се согласил на разговорот.
Болсонаро го посети својот руски колега Владимир Путин во Москва во февруари, неколку дена пред Русија да ја нападне Украина, а бразилскиот лидер досега зазема неутрален став за конфликтот, додека Бразил продолжува да работи со Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.