Свет
Борел: ЕУ ќе бара начин да го заобиколи ветото на Унгарија за воената помош за Украина
Земјите од ЕУ треба да разгледаат начини како да го заобиколат ветото на Унгарија бидејќи е неприфатливо ветото на една земја од ЕУ да не дозволува искористување шест милијарди евра во рамките на Европскиот мировен фонд (ЕПФ) за компензација за воената помош што веќе е обезбедена на Украина, изјави високиот претставник на ЕУ за надворешна политика и безбедност, Жозеп Борел.
„Имаме шест милијарди евра замрзнати на нашите тековни сметки (во рамките на ЕМП), кои не може да се искористат за да се компензира поддршката што веќе ѝ ја обезбедија на Украина од некои земји членки. Ќе барам начини да го заобиколам ова вето на една земја членка, кое е неприфатливо“, изјави Борел во Брисел пред почетокот на неформалниот состанок на министрите за надворешни работи на земјите од ЕУ, пренесува „Укринформ“.
Одговарајќи на прашање за причините за одржување неформален состанок на европските министри во Брисел, а не во Будимпешта, главниот град на Унгарија, кој претседава со ЕУ, Борел рече дека фокусот не е на тоа прашање, туку на клучните одредби од помош за Украина.
„Не е толку важно каде ќе се случи – овде, во Брисел или во Будимпешта. Она што е важно не е прашањето каде, туку прашањето е за што. Важно е за што ќе обезбедиме. За оваа намена веќе се испратени финансирања за одбранбената индустрија на Украина“, истакна Борел, пренесува „Танјуг“.
Тој потсети дека претходно Европскиот фонд за мир беше искористен за финансиска компензација на земјите членки за поддршка на Украина. Отсега ЕУ испраќа пари директно во Украина, особено пари што доаѓаат од замрзнатите руски средства. Овие ресурси доаѓаат и во земјите членки, но веќе не како компензација, туку за зголемување на директната воена помош за Украина.
Според Борел, овој развој на настаните е важен нов факт.
„Ги охрабруваме земјите членки да ги исполнат своите најавени обврски во областа на воздушната одбрана и ќе продолжиме да ја поддржуваме украинската цивилна инфраструктура. Знаеме дека целта на Русија е да ги уништи енергетските капацитети на Украина“, рече високиот претставник на ЕУ.
Според него, покрај воената компонента, европските министри денеска ќе го разгледаат и дипломатското учество на ЕУ во обезбедување широка меѓународна поддршка за формулата за мир на претседателот на Украина, Володимир Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.