Свет
Борел: Израел продолжува со воената акција на југот на Појасот Газа и покрај пресудата на МСП
![](https://makfax.com.mk/wp-content/uploads/2024/05/borel.jpg)
Израел ја продолжува својата воена акција во јужниот дел на Појасот Газа и покрај пресудата на Меѓународниот суд на правдата (МСП), кој го повика веднаш да ги прекине нападите, изјави високиот претставник на ЕУ за надворешна политика и безбедност, Жозеп Борел.
Тој посочи дека одлуката на МСП мора да се имплементира и додаде дека ќе почне да се работи на донесување политичка одлука за започнување посветена мисија за помош на ЕУ на граничниот премин Рафа меѓу Газа и Египет, пренесува Ројтерс.
МСП во петокот му нареди на Израел, во случајот што го покрена Јужна Африка во кој Израел го обвинува за геноцид, веднаш да ја прекине воената операција во Рафа, како и да отвори граничен премин во тој град со Египет за да овозможи прилив на повеќе хуманитарна помош.
Претседателот на МСП, Наваф Салам изјави дека „Израел мора веднаш да ја прекине својата воена операција или каква било активност во Рафа што може да ги доведе Палестинците во Газа во услови на живот што би довело до нивно физичко уништување целосно или делумно“.
Од друга страна, неколку израелски функционери изјавија дека наредбата на МСП остава простор за воени операции во тој град.
„Она што тие од нас бараат е да не се врши геноцид во Рафа. Ние не извршивме геноцид и нема да извршиме геноцид“, изјави Цачи Ханегби, советник на израелскиот премиер за национална безбедност.
Тој посочи дека Израел, според меѓународното право, има право на самоодбрана и дека пресудата на МСП не го негира тоа. Друг неименуван израелски функционер рече дека пресудата на Меѓународниот суд на правдата „не е целосна наредба“ и е формулирана да не ги отфрли сите воени операции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
![](https://makfax.com.mk/wp-content/uploads/2023/04/zatvor-960x614.jpg)
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.