Свет
Борел: НАТО не може да зависи од расположението на американскиот претседател
НАТО не може да биде воен сојуз кој зависи од расположението на американскиот претседател, изјави денеска шефот за надворешни работи на ЕУ Жозеп Борел во врска со изјавата на поранешниот американски претседател Доналд Трамп дека нема да ги заштити земјите кои не ги плаќаат своите обврски кон НАТО и дека ќе „ ја охрабри Русија да ги нападне.
Во пресрет на состанокот на министрите за развој на ЕУ, Борел, запрашан да ја коментира изјавата на Трамп, рече дека „НАТО не може да биде „а ла карт“ воен сојуз кој зависи од хуморот на американскиот претседател“, пренесува Ројтерс.
Зборувајќи за Агенцијата на ОН за помош и работа за Палестина, Борел рече дека таа мора да биде способна да продолжи да работи додека се истражува можната вмешаност на некои од нејзините 13.000 вработени во нападот на Хамас на 7 октомври во јужен Израел.
„Никој друг не може да го направи тоа што го може УНРВА, треба да се проверат обвинувањата, да почекаме да се спроведе истрагата. Во меѓувреме луѓето мора да јадат, да одат на лекар“, рече Борел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Поплави во јужна Германија, жителите евакуирани со хеликоптери
Невреме вчера и денеска погоди големи делови од јужна Германија, предизвикувајќи прекин на сообраќајот, а некои жители мораа да бидат евакуирани со хеликоптер.
Во областа на баварскиот град Аугсбург, жителите мораа да бидат евакуирани поради дефект на насип и брана, соопштија властите.
Поради поплавите, во прекин е железничкиот сообраќај меѓу главниот град на Баварија, Минхен, Брегенц во Австрија и Цирих во Швајцарија.
Во прекин беше и линијата меѓу Улм и Аугсбург, а меѓуградските возови на релација Штутгарт-Минхен беа пренасочени.
Жителите на баварскиот град Фишах, западно од Минхен, биле изнесени со хеликоптер од своите домови откако се излеа реката Шмутер.
Update zum Wehr#Hochwasser pic.twitter.com/lX5hrZp46M
— Bummibaer 🐻 🇺🇦 (@MrBummiBinBaer) June 1, 2024
Водостојот расте, дождот не престанува да паѓа. Прогласена вонредна состојба
Мештаните поинаку не можеа да ги напуштат своите домови, изјави портпаролката на окружните власти. Според полицијата, службите за итни случаи и чамците ќе ги преземат луѓето во поплавените домови. Неколку соседни окрузи прогласија вонредна состојба бидејќи дождот продолжува да паѓа и нивото на водата расте.
Во сојузната покраина Баден Виртемберг, западно од Баварија, ситуацијата брзо се влоши откако реката Ротум почна да се излева на неколку места.
Во малиот град Рајнштетен, 150 служби за итни случаи работат повеќе од 22 часа за да ја ублажат поплавата што се случи по пукањето на браната, изјави градоначалникот Филип Буеркл за ДПА.
Буеркл рече дека противпожарните служби од блиската област пумпаат вода од подрумот и дистрибуираат вреќи со песок. Досега е евакуиран само еден дом за стари и изнемоштени лица во кој престојувале 15 лица.
Училиште во селото Мекенбеурен, во близина на езерото Констанца, мораше да биде евакуирано откако локалната река проби вреќи со песок поставени околу него.
Германската метеоролошка служба предвиде дополнителни грмежи и до 80 литри дожд на метар квадратен во јужните делови на Германија. Невремето се очекува да продолжи и утре.
Свет
Пукање во западна Германија, ранети четири лица, напаѓачот е во бегство
Четири лица се ранети денеска во престрелка во Хаген, во западна Германија, а осомничениот сторител е во бегство, соопшти полицијата. Во потрагата бил вклучен и полициски хеликоптер.
Властите претходно потврдија за ДПА дека двете места на злосторството вклучуваат фризерски салон и блиска станбена зграда во Хаген, јужно од Дортмунд.
Полицијата е на местото на злосторството, а на граѓаните им се препорачува да го избегнуваат просторот околу местото на злосторството.
Свет
Орбан: Мора да ја спречиме Европа да војува со Русија
Унгарија сака да ја спречи Европа да влезе во војна со Русија, изјави денеска премиерот Виктор Орбан на митингот „Марш на мирот“ во Будимпешта и порача дека Унгарците нема да гинат за другите.
„Ни претстои огромна задача, каква што никогаш не сме имале. Мора да ја спречиме Европа да влезе во војна што ќе доведе до нејзино уништување“, рече Орбан на митингот „Марш на мирот“ во Будимпешта за поддршка на политиката на унгарската влада против ширењето на конфликтот во Украина.
Тој оцени дека денес Европа се подготвува за војна, дека секој ден во Украина се слеваат стотици милијарди евра, нуклеарно оружје се става среде Европа.
„Се чини дека нема кочница на провоениот воз, а машиновозачот полудел“, рече Орбан, додавајќи дека сопирачката за итни случаи мора да се повлече за да можат барем оние што ја сакаат да излезат и да останат надвор од војна.
Орбан зборуваше и за тоа како Унгарија сега е посилна од кога било во последните сто години, дека претставува мирен и силен остров во средината на Европа, но дека клучното прашање е дали ќе се откаже од мирот.
„Ние нема да одиме во војна и нема да гинеме за другите на туѓо тло“, рече Орбан, пренесува Index.hu.
Тој додаде дека не смее да се дозволи спроведување на опасните планови на ЕУ и НАТО, кои водат до ширење на конфликтот во Украина и ги повика граѓаните на претстојните избори да гласаат за партии кои се залагаат за мир, а не за војна за Европскиот парламент.
„Каде и да се случи војна, нема спас, војната ве обзема, не можете да избегате од неа, не можете да се скриете од неа. Единствениот противотров за војната е мирот. Да останеме надвор од војна и да ја зачуваме Унгарија како остров на мирот, тоа е нашата мисија“, рече Орбан.