Русија мора да учествува во разговорите за мировниот план за Украина за тој воопшто да има шанса, изјави германскиот канцелар Фридрих Мерц на самитот ЕУ–Африканска унија во Луанде.

„Русија мора да биде присутна на масата. Ако тоа се оствари, секој напор би бил оправдан, а во спротивно, ќе треба да се удвојат напорите“, рече Мерц.

Берлин го поздрави напредокот постигнат во Женева врз основа на американскиот мировен нацрт од 28 точки, првично оценет како премногу наклонет кон Москва. Мерц нагласи дека Европa мора да го одобри секој дел од идниот договор што се однесува на нејзината безбедност.

По неделните разговори во Женева, САД и Украина изработија нова, ревидирана верзија на мировната рамка за која велат дека целосно ја почитува украинската сувереност. Почетниот план на Доналд Трамп содржел повеќе руски барања, меѓу кои територијални отстапки, намалување на украинската војска и откажување од членство во НАТО, со западни безбедносни гаранции за Киев.

Потпретседателот на Владата и министер за простор, градителство и државeн имот, Бранко Башиќ со претставници на Град Загреб и стручњаци од Хрватскиот центар за сеизмичко инженерство соопшти дека култниот загрепски небодер Вјесник ќе се руши поради небезбедна конструкција.

Башиќ изјави дека извештајот на стручњаците укажува на сериозни статички оштетувања и опасност од урнување поради што ќе се изработи проект за уривање, а потоа ќе следи јавна набавка и самиот процес на рушење. Славонска авенија и подвозникот остануваат затворени до отстранување на објектот.

Стручњакот Марио Урош од Центарот за сеизмичко инженерство предупреди дека конструкцијата е делумно нестабилна поради оштетувањата од пожар, пукнатини и отпаѓање на елементи. Според него, потребно е итно уривање бидејќи опасноста со текот на времето расте.

Владата најави дека ќе се утврдат роковите за рушење и дека потоа ќе се уредува просторот на поранешниот Вјесник, со можен архитектонски конкурс. Стручните служби и полицијата ќе извршат увид, но екипите нема да престојуваат подолго во објектот поради ризикот.

Украинските контранападни сили тврдат дека ги истерале руските трупи од централниот дел на Покровск, пренесе „Kиев пост“. Седмата воздушно-јуришниот корпус соопшти дека пешадиските тимови, со поддршка од дронови и артилерија, ги исчистиле клучните точки во градот, вклучувајќи ја железничката станица и централниот плоштад.

Командирот Валентин Манко изјави дека „центарот е исчистен“, но операциите за чистење продолжуваат. Според украински извори, руските сили се повлечени кон јужните квартови, каде напредокот е побавен и каде руските единици се под притисок и без можност за снабдување.

Русија во своето утринско соопштение не ги спомна директно борбите во Покровск, наведувајќи само дека одбила неколку украински напади. Украинскиот Генералштаб ги опиша борбите во овој сектор како меѓу најинтензивните на фронтот во последните 24 часа.

Дел од украинските аналитичари и извори предупредуваат на претпазливост, истакнувајќи дека битката не е завршена и дека има спротивставени информации за состојбата на терен.