Европа
Борис Џонсон е меѓу фаворитите за британски премиер

Неодамнешниот британскиот лидер, Борис Џонсон, и поранешниот министер за финансии, Риши Сунак, ја водат листата на потенцијални кандидати за нов премиер еден ден откако Лиз Трас поднесе оставка.
Трас се повлече по шест недели на функцијата, а оние што сакаат да ја заменат мора да ги најдат стоте гласа на конзервативните пратеници, кои ќе им овозможат да се кандидираат во забрзаниот процес за наоѓање нејзина замена.
Петтиот британски премиер во последните шест години се бара во време кога на ториевците според анкетите им се заканува потоп на изборите. Опозициската Лабуристичка партија бара предвремени избори, но според распоредот тие треба да се одржат најрано до крајот на 2024 година.
Новиот лидер на Конзервативната партија ќе биде објавен в понеделник или в петок следната недела, пренесува „Ројтерс“. Најмногу шанси за премиер заедно со Сунак има Џонсон, кому пратениците пред само три месеци му изгласаа недоверба.
„Мислам дека е докажан оти може да ги сврти работите. Тој може да го направи тоа повторно. Сигурен сум дека моите колеги ќе ја чујат таа порака јасно и гласно“, рече конзервативниот пратеник Пол Бристоу за Џонсон.
„Борис Џонсон е фигура од која лабуристите се плашат, Борис Џонсон може да победи на следните избори“, додаде тој.
Но, Џонсон ќе треба да се бори да собере 100 гласа по тригодишниот мандат нарушен со скандали и обвинувања за злоупотреба на власта.
Еден од неговите поранешни советници, кој повеќе не разговара со него и зборуваше под услов да остане анонимен, за „Ројтерс“ изјави дека не верува оти неговиот поранешен шеф ќе собере доволно гласови бидејќи тој отуѓи голем број конзервативци за време на своето владеење.
Битката за премиерската функција почна вчера, само неколку часа откако Трас ја објави својата одлука пред резиденцијата во Даунинг стрит, со што стана најкраткожичната британска премиерка во историјата.
Сунак, поранешен аналитичар на „Голдман Сакс“, кој стана министер за финансии со доаѓањето на пандемијата на коронавирусот во Европа, е миленик на обложувачниците, а по него е Џонсон.
Трета е Пени Мордоунт, поранешна министерка за одбрана, популарна кај сопартијците. Никој од нив сè уште официјално не ја објавил својата кандидатура, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ракот на кралот Чарлс е неизлечив, но под контрола, според новинарка на „Дејли телеграф“

Бакингемската палата на почетокот на минатата година објави дека кралот Чарлс има рак. Според новинарката и уредничка на „Дејли телеграф“, Камила Томини, неговиот рак не е излечив, но може да се контролира.
Ракот на кралот Чарлс (76) е ставен под контрола со ригорозен третман, но не е целосно излечив, рече Томини. Таа додаде дека ова веројатно значи дека кралот ќе умре со ракот, но не од него. Палатата официјално не го коментираше извештајот, што би можело дополнително да ги поттикне шпекулациите за здравјето на кралот.
Новинарот понатаму наведува дека кралот морал да направи одредени промени во животот откако му била поставена дијагнозата, од кои една е одлуката никогаш да не се пресели во Бакингемската палата, што е преседан во британското кралско семејство.
Исто така, постојат шпекулации дека поради болеста, но и влијанието на кавгата врз неговиот углед, тој може да се смири со принцот Хари. Се очекува наводното помирување да се случи на игрите „Инвиктус“ во 2027 година, а децата на Хари, Лилибет и Арчи, кои кралот Чарлс не ги видел три години, исто така би можеле да играат улога во настанот.
Самиот Хари зборуваше за можно помирување во неодамнешно интервју за Би-би-си, нагласувајќи дека не знае колку време му останува со татко му.
Кралот минатиот месец за прв пат отворено зборуваше за својата борба со ракот, истакнувајќи ја виталната улога на здравствените работници и волонтерите во грижата за засегнатите. За време на приемот за групите за поддршка на ракот во Бакингемската палата, кралот им подари на гостите брошура со лична порака во која се детално опишани неговото сопствено искуство со дијагнозата и третманот.
„Секоја дијагноза, секој нов случај, е застрашувачко и предизвикувачко искуство за засегнатото лице и неговите најблиски“, напиша 76-годишниот монарх, кој во февруари 2024 година откри пред јавноста дека има рак. „Но, како некој што самиот бил меѓу тие статистики, можам да потврдам дека искуството исто така фрла моќна светлина врз најдоброто кај луѓето.“
Европа
Новите официјални пресметки покажуваат колку е пензијата за 45 години работа во Германија

Колку е пензијата во Германија по 45 години придонеси? Новите официјални пресметки покажуваат дека вработен со полно работно време со просечна плата може да очекува пензија од малку повеќе од 1.600 евра нето. Сепак, повеќето пензионери во пракса не ја достигнуваат оваа сума, а разликите меѓу нив се големи, особено кога се споредуваат пензиите на мажите и жените.
Од 1 јули 2025 година, вредноста на еден пензиски поен во Германија ќе биде 40,79 евра. Лице кое работело 45 години и заработувало целосен пензиски поен секоја година ќе добива вкупно 1.835,55 евра бруто месечно. По одбивањето на придонесите за здравствено осигурување и осигурување за долгорочна нега, остануваат околу 1.621 евра нето, а некои пензии сè уште подлежат на оданочување.
Проценките за Германија сугерираат дека за да се избегне сиромаштијата во староста, потребни се помеѓу 1.464 и 2.100 евра месечно, во зависност од регионот и трошоците за живот. Според овие бројки, „стандардната“ германска пензија ја покрива долната граница на она што е потребно за нормален живот.
Иако јавноста често го нагласува износот на целосна пензија по 45 години стаж, вистинските износи што ги добиваат пензионерите се значително пониски. Според официјалните податоци од германското пензиско осигурување, во 2023 година, мажите добивале просечно 1.348 евра старосна пензија, додека жените добивале само 908 евра. Во исто време, пресметаната стандардна пензија била 1.692 евра бруто.
Со други зборови, просечниот маж добива околу 340 евра помалку од стандардната пензија, додека за жените разликата е дури 784 евра. Причините се бројни, од паузи во службата, работа со скратено работно време, до подолги периоди на невработеност или грижа за деца.
Јазот во пензиите е особено изразен меѓу мажите и жените, бидејќи жените имаат поголема веројатност да земат паузи од кариерата или да работат помалку часови. Покрај тоа, ниските пензии често се предмет на оданочување врз основа на вкупниот приход на пензионерот, што дополнително го намалува износот што го имаат на располагање секој месец.
Како резултат на тоа, се проценува дека речиси еден од седум пензионери во Германија денес живее под линијата на сиромаштија. Официјалните бројки покажуваат дека 17 проценти од постарите лица немаат доволно приходи за да живеат достоинствено, и покрај децениите придонеси.
Европа
(Видео) Жестоки руски напади во западна Украина, Полска ги подигна воените авиони

Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна воздушни напади насочени кон западна Украина, близу до полската граница, соопшти Оперативната команда на полските вооружени сили.
„Преземените чекори имаат за цел да ја обезбедат безбедноста во регионите што се граничат со ризични зони“, соопшти Командата на Икс.
Earlier from Rivne region
KH-101 cruise missiles in flight pic.twitter.com/FB2cdkUA7M
— kim høvik (@kimhvik2) June 9, 2025
Цела Украина беше под тревога за воздушен напад од 2 часот наутро во понеделник откако украинските воздухопловни сили предупредија за напади од руски ракети и беспилотни летала.
Во Ривне, град во северозападна Украина, далеку од фронтовските линии, беа пријавени повеќе експлозии во услови на нов бран напади со беспилотни летала и ракети.
Масовниот напад доаѓа само неколку дена откако Русија лансираше 452 беспилотни летала и 45 ракети врз украински цели во ноќта на 6 јуни – што се смета за еден од најголемите воздушни напади од почетокот на војната. Кремљ вели дека нападот бил одговор на украинската операција „Пајакова мрежа“, во која беспилотни летала нападнаа руски стратешки авиони.
Russian heavy massive combined attacks hit Ukraine overnight, targeting Rivne & Kyiv among others. Meanwhile, a video reportedly from Cheboksary, Russia, shows VNIIR, a facility developing navigation modules for Iskander-M, Kalibr missiles & Orlan-10 drones. #UkraineUnderAttack… pic.twitter.com/IvHNk4QmNo
— Iuliia Mendel (@IuliiaMendel) June 9, 2025
Украинските воздухопловни сили издадоа воздушни предупредувања во неколку региони во текот на ноќта на 8 и 9 јуни, предупредувајќи за заканата од балистички ракети и беспилотни летала „Шахед“.
Експлозии беа пријавени во Киев, како и во Ривне.