Свет
Бранителите на Азовстал префрлени во Русија

Двајца врвни команданти на борците, кои ја бранеа фабриката за челик Азовстал во пристанишниот град Мариупол во југоисточна Украина, се префрлени поради истрага во Русија, јави руската државна агенција ТАСС, пренесува Ројтерс.
Судбината на стотиците борци заробени од руските сили во мај по повеќемесечна опсада на Мариупол е неизвесна. Москва рече дека тие биле преместени во одметнати источни украински провинции поддржани од Русија.
Доцна синоќа ТАСС, повикувајќи се на анонимен извор од руската полиција, соопшти дека во Русија се префрлени Свјатослав Паламар, заменик командант на баталјонот Азов и Серхиј Волински, командант на 36-та поморска бригада на украинските вооружени сили.
Специјалците ги преместија од Доњецк, источна украинска провинција која Москва ја признава како независна држава, „со цел да спроведат истраги со нив“, го цитира ТАСС својот извор.
„Други офицери од различни украински единици исто така се транспортирани во Русија“, додаде изворот.
Ројтерс не можеше да ја потврди вистинитоста на наводите, ниту пак веднаш имаше реакција од Киев.
Претходно овој месец, Украина соопшти дека нејзините разузнавачки служби биле во комуникација со заробените борци од фабриката за челик Азовстал.
Баталјонот Азов, воена единица формирана во 2014 година од доброволци од екстремно десничарска политичка ориентација за борба против проруските сепаратисти и 36-та поморска бригада беа клучни во одбраната на фабриката за челик. Киев бара размена на затвореници со Москва со цел борците да се вратат, но некои руски парламентарци бараат дел од борците да бидат изведени пред лицето на правдата.
Руските агенции на почетокот на јуни објавија дека повеќе од 1.000 борци на Азовстал биле преместени во Русија на непознати локации за истрага.
Самопрогласените Народни републики Доњецк и Луганск се наоѓаат во индустрискиот регион Донбас во источна Украина, каде Русија се бори да воспостави контрола над областа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.