Свет
Брачна двојка во Индија си ги отсекле главите со гилотина, децата им ги пронашле телата
Брачната двојка си го одзеде животот обезглавувајќи се со импровизирана гилотина.
Полицијата соопшти дека бизарната направа е направена за мажот и жената да можат да ги принесат главите како жртва.
Фармерот Хемубхаи Маквана (38) и неговата 35-годишна сопруга Хансабен си ги „отсекле“ главите со „механизам налик на гилотина“ во Винчи, село во Индија.
Ритуалот се случил помеѓу сабота навечер и недела попладне, откри полицијата.
Couple decapitate each other with guillotine made at home in ritual sacrifice https://t.co/hmANRSpirj
— Jan B (@Jan_S_B_459) April 17, 2023
Тие оставиле белешка на своето семејство кое живеело во близина, барајќи од нивните родители да се грижат за нивните деца, 13-годишен син и 12-годишна ќерка.
Во писмото се наведува и дека тие доброволно го сториле тоа и дека никој друг не е виновен. Роднините рекле дека парот се молел дома секој ден во годината пред нивната смрт. Токму децата ги пронашле нивните тела без глава на фармата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Свет
Хелокоптерот во кој загина иранскиот претседател не емитувал никаков сигнал
Хеликоптерот што се урна додека ги превезуваше претседателот и министерот за надворешни работи на Иран немал вкучено сигнален систем или не поседувал, изјави турскиот министер за транспорт Абдулкадир Уралоглу.
Уралоглу им рече на новинарите дека провериле дали има сигнали од хеликоптерот откако слушнале дека се урнал.
„Но, за жал, мислиме дека најверојатно сигналниот систем бил исклучен или хеликоптерот го немал тој сигнален систем бидејќи ние сигурно ќе ги видиме тие сигнали, но немаше“, рече тој.