Свет
Брисел ќе бара отстранување на терористичките содржини од интернет

Лидерите на Европската Унија (ЕУ), во рамките на безбедносната политика на самитот што ќе се одржи оваа недела во Брисел, ќе разговараат за отстранување на терористичките содржини од интернет.Претседателот на Советот на ЕУ, Доналд Туск, испрати покана до лидерите на земјите-членки за самитот што ќе се одржи на 22 и 23 јуни. Туск во своето писмо напиша дека слабеат противниците на ЕУ во Европа,така што сега е повеќе оптимист.
Тој нагласи дека на самитот најпрвин ќе се дискутира за безбедноста, бидејќи тероризмот и понатаму претставува голема закана, и посочи дека последните напади укажуваат на нов бран на радикализацијата во Европа.Туск изјави дека ЕУ нема да го преземе местото на националните држави во оваа борба, бидејќи применувањето на политиките зависи од владите.
„Но, ЕУ може да помогне за победата во оваа борба. Досега е забележан напредок во следењето на странските борци, како и на тие што се вратиле од конфликтните зони. Сега е време да се зголеми соработката со интернет-индустријата. Најголемо е влијанието на терористичката пропаганда во првите неколку часа од објавувањето на интернет. Затоа, треба да ја поттикнеме оваа индустрија да развие инструменти што автоматски ќе ги детектираат содржините што споделуваат терористички материјали или пак поттикнуваат насилство, и ќе ги отстранат тие содржини“, истакна Туск.
Укажувајќи на важноста на соработката со Либија, Туск нагласи дека е потребно на самитот да се преиспита проблемот со миграцијата, како и состојбата на рутата по Средоземното Море.
Исто така, Туск додаде дека ќе ги информира лидерите во самитот за средбите со турскиот претседател Реџеп Таип Ердоган, како и со претседателот на САД, Доналд Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик: Јас сум цел затоа што не се согласив да им служам на парите на УСАИД; последните удари на поразените елити

Претседателот на Република Српска, Милорад Додик, кој престојува во Москва, му се заблагодари на американскиот политичар Род Благојевиќ за поддршката посочувајќи дека тој е цел бидејќи не се согласил да им служи на парите на УСАИД и НЕД, туку на својата земјан и дека ќе продолжи да победува во Српска.
„Кога не може да ве победат на изборите, тие се обидуваат да ве уништат во судовите. Ова го научија американскиот претседател Трамп, лидерката на партијата Национален собир, Марин Ле Пен, и многу други лидери, кои ги избраа народот наместо елитата, суверенитетот наместо покорувањето, вредностите наместо грантовите“, напиша Додик на платформата „Икс“.
Истакнувајќи дека Род Благојевиќ го забележал тоа, претседателот на Република Српска истакна дека целта денес се оние што не се согласиле да им служат на парите на УСАИД и НЕД, туку на својата земја, религија и народ.
„Но, тоа се ударите на поразените елити. И ќе биде последен. Претседателот Трамп ќе успее во Америка, Ле Пен ќе победи во Франција, Калин Ѓорѓеску во Романија, а јас ќе продолжам да победувам во Република Српска“, рече Додик означувајќи ги американскиот потпретседател Венс и Илон Маск.
Регион
Труење во Загреб: неколку студенти завршиле во болница со тешки симптоми

Шест лица вчера попладне побарале итна медицинска помош поради сомнение за труење со храна по оброк во студентската менза на колеџ во Загреб. Станува збор за менза на приватен ресторан, каде што студентите користат субвенционирани оброци, а се наоѓа веднаш до Геодезискиот, Градежниот и до Архитектонскиот факултет, пренесуваат тамошните медиуми.
Сите се препратени на Клиниката за инфективни болести „Д-р Фран Михаљевиќ“, каде што им се укажани лекарски услуги, а две лица поради тешки симптоми се задржани во болница, пренесува „Индекс.хр“.
Подоцна уште едно лице побарало помош, а друго со изразени симптоми одбило лекарска помош.
Поради настанот, на терен излегле службеници од Државниот инспекторат и од Санитарната инспекција, кои извршиле надзор на просторот за обезбедување храна за ученици.
Една студентка за порталот „Средња.хр“ изјавила дека во тоалетот на факултетот наишла на двајца студенти кои повраќале и кои ѝ кажале дека јаделе болоњезе во мензата.
Недолго потоа таа и колешката се упатиле кон мензата, но се откажале бидејќи во студентската група на „Воцап“ пристигнала порака дека на неколку студенти од колеџот не им е добро и дека мензата е затворена.
„Веќе бевме пред мензата, па ги прашавме работниците дали е вистина дека се затворени. Тие рекоа дека не знаат ништо. Тогаш дојдоа сопствениците на ресторанот и почнаа да се правдаат дека сè е во ред, дека меленото месо е свежо, дека мензата неодамна била отворена“, раскажува таа.
Свет
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат

Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата скала. Во тек се масовни кремирања и сè мириса на смрт, пренесуваат светските агенции.
Faulting after a magnitude 7.7 earthquake near Myitta, Mandalay, Myanmar. March 28, 2025. pic.twitter.com/vaGy4RSe9o
— ℂ𝕙𝕖 𝔾𝕦𝕖𝕧𝕒𝕣𝕒 ★ (@cheguwera) April 1, 2025
Во Мјанмар е во сила седумдневна национална жалост откако досега е потврдена смртта на речиси 2.800 луѓе.
Спасувачите итно бараат преживеани во урнатините бидејќи помина критичниот период од 72 часа по земјотресот поради што се стравува дека бројот на загинатите може да биде многу поголем, соопшти Американскиот геолошки институт.
Immagini pubblicate sui social il 28 marzo 2025 mostrano alcuni monaci riuniti presso il monastero Ma Soe Yein a #Mandalay mentre i piani superiori di un edificio vicino crollano in seguito al terremoto di magnitudo 7.7. Le immagini sono state filmate dagli studenti del monastero pic.twitter.com/tKCxRiPb5q
— askanews (@askanews_ita) April 1, 2025
„Телата на оние што загинаа во Мандалај мораа масовно да бидат кремирани“, изјави за Би-би-си еден студент, кој живее во населбата Махаунгмјај.
20-годишната девојка, која сакаше да остане анонимна и се идентификува само како Ј, ја загуби својата тетка во земјотресот што минатиот петок го погоди Мјанмар. „Но, нејзиното тело беше извлечено од урнатините само два дена подоцна, на 30 март“, рече таа.
#WATCH | Following a powerful #earthquake in #Myanmar, #NDRF teams are actively carrying out search and rescue operations in #Mandalay, providing aid to those affected. pic.twitter.com/RzHXRp16GT
— The Federal (@TheFederal_News) April 1, 2025
Оние кои преживеале, сепак, живеат во очај, додаде таа, нагласувајќи дека таа и нејзиното семејство едвај спијат и дека секој ден се сведоци на нови штети бидејќи земјата продолжува да се тресе.
Dispatch from Myanmar | Chinese rescue teams' effort: Search dog Duo Ji navigates rubble to find survivors in Mandalay
(有片)緬甸直擊|中國救援隊持續工作 搜救犬穿梭廢墟尋生者https://t.co/m87oiI1nvy pic.twitter.com/ybATBo0A9Q— DotDotNews (@dotdotnews111) April 1, 2025
„Видов многу луѓе, а и јас го правам тоа, како клечат на улица и гласно плачат“, рече таа.
Децата се особено погодени. „Тие не сакаат да се вратат во своите домови. Речиси сите во градот одлучија да спијат на улица додека сè не се смири. Спасувачките екипи работат без престан четири дена и мислам дека веќе се малку исцрпени. Им треба одмор. Но, поради обемот на уништувањето и недостигот на ресурси, едноставно е тешко за хуманитарните тимови успешно да одговорат на ваква катастрофа“, рече таа.
Според новинар на Би-би-си, градот е целосно мрачен бидејќи нема струја и вода за пиење.
Според него, постои голем проблем во функционирањето на интернетот.
„Подоцна почувствувавме силен последователен потрес. Чувствувавме дека не е безбедно да спиеме во хотелот, па отидовме да побараме засолниште во блискиот манастир. Утрото се вративме во хотелот само за да си ги земеме куферите“, рекол новинарот на британскиот јавен сервис.
Кога утрото, како што вели, го виделе Мандалај, сфатиле дека градот е во урнатини.