Свет
Британец осуден на доживотен затвор поради планирање терористички напад во Лондон
![](https://makfax.com.mk/wp-content/uploads/2019/03/105913012_custody_image_2018.jpg)
Приврзаник на Исламската држава, кој планирал да убие 100 луѓе во спектакуларен терористички напад во Лондон, е осуден на доживотен затвор. Во првите 15 години нема да има право да бара условно ослободување, пренесуваат британските медиуми.
Осудениот 27-годишниот Луис Ладлоу претходно се изјаснил за виновен за подготовка на терористички напад и собирање средства за Исламската држава. Полицијата ги пронашла искинатите планови за напад во канта за отпадоци.
Обвинителите тврдат дека Ладлоу напишал оти Оксфорд стрит е идеална цел бидејќи може да се убијат речиси 100 луѓе. Ладлоу имал и список на потенцијални цели, меѓу кои биле и музејот на восочни фигури „Мадам Тисо“, катедралата на свети Павле и шиитскиот храм во источен Лондон.
Тој планирал да замине на Филипините, а на „Фејсбук“ направил страница преку која собирал пари за екстремистите на Филипини.
Ладлоу е уапсен во 2018 година и обвинет за планирање напади. Тој пред судот рекол дека еден екстремист од Филипините го присилил да го изведе нападот. Но, судот навел дека неговата посветеност на насилниот екстремизам е многу длабока и го осудил на доживотна казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.