Европа
Британија предупредува на амбициите на Путин на Западен Балкан: „Тоа е нова жешка точка“
Додека Очите на Европа и на Запад главно се насочени кон војната во Украина, тензиите на Западен Балкан растат се повеќе и повеќе. Врвот на британската власт го нарекува регионот „уште едно жариште“ и предупредува дека рускиот претседател Владимир Путин го користи моментот за да ги дестабилизира поранешните југословенски земји, да ја поттикне поделбата и да го турка регионот подалеку од ЕУ и Западот и поблиску до Москва и Пекинг, пишува Политико.
Британскиот министер за надворешни работи Дејвид Лами го посети регионот минатата недела за да ја потврди британската поддршка за проширувањето на Европската унија во сите шест земји од Западен Балкан – Албанија, Босна и Херцеговина, Црна Гора, Косово, Северна Македонија и Србија.
„Со војната во Европа и долгата рака на руското учество и овде, би било крајно неодговорно да се игнорира Западен Балкан“, изјави Лами за Политико.
Според Лами, целта на Путин не е помирување, туку постојана нестабилност и немири. „Во негов интерес е да го држи регионот на работ, да ги одржува општествата немирни и да ги одржува конфликтите поттикнати од сајбер и хибридната војна“, рече тој.
Многу западни дипломати веруваат дека Кремљ би можел да ги искористи длабоко вкоренетите етнички и верски тензии за да поттикне нови конфликти и да го зајакне своето влијание во дворот на Европската унија.
Британски функционер предупреди дека Балканот мора брзо да оди напред, бидејќи Брисел наскоро би можел да биде преокупиран со влезот на Украина во ЕУ. „Прозорецот на можности е многу тесен. Балканот повеќе не може да седи на две столчиња“, рече тој.
Србија: меѓу ЕУ и „мрачната визија“
Иако Србија преговара за влез во ЕУ од 2009 година, британскиот министер признава дека постојат две визии за иднината на земјата – едната ориентирана кон Европа, а другата поавторитарна, со поголема контрола, корупција и блискост со Русија. На белградските улици јасно се гледаат овие поделби.
Бранот масовни студентски протести, кои траат од ноември минатата година кога 16 лица загинаа при уривање на настрешницата на станицата во Нови Сад, секојдневно ги блокираат патиштата. Протестите се проширија и на противењето на планираниот луксузен комплекс на Џаред Кушнер, зет на американскиот претседател Доналд Трамп, на местото на поранешното Министерство за одбрана, кое беше бомбардирана од НАТО во 1999 година.
Знамињата на ЕУ не се веат на протестите, а многу студенти сметаат дека Брисел е соучесник на корупцијата против која се борат. Паралелно со Вучиќ се преговара за членство и се прават обиди да му се приближат поради српскиот литиум“, велат организаторите, истакнувајќи го лицемерието на европската политика.
Србија не ја признава независноста на Косово, одбива да воведе санкции кон Русија и продолжува да ги продлабочува воените и економските односи со Москва и Пекинг. „Парадоксот живее овде“, рече Лами, кој вели дека Путин го сака Западен Балкан како „следното игралиште“.
БиХ: Додик како нарушувачки фактор
Во Босна и Херцеговина, претседателот на Република Српска, Милорад Додик, се соочува со правосилна пресуда за непочитување на одлуките на меѓународниот висок претставник. Наместо да биде уапсен, Додик слободно се движи, неодамна беше во Белград со Вучиќ, а потоа во Москва со Путин.
Иако САД и Велика Британија веќе воведоа санкции против него, британската политичарка Арминка Хелиќ бара построги мерки. „Ова не е брз рез, туку бавна инфекција“, вели Хелиќ, која и самата избегала од Босна и Херцеговина за време на војната.
Предупредува дека Западот е премногу пасивен кон ширењето на влијанието на Русија на Балканот, кое се спроведува преку црквата, медиумите, дезинформациите и политичките сојузи.
Хелена Иванов од британскиот тинк-тенк Henry Jackson Society смета дека Западот може повторно да задоцни, како што задоцни во 1990-тите. „Не е во прашање војна, но тие би можеле да се разбудат во време кога руските и кинеските влијанија се веќе длабоко вкоренети и тогаш ќе биде предоцна“, рече таа.
Заедничкиот заклучок на британските претставници, како и политичките аналитичари е јасен: доколку ЕУ и пошироката меѓународна заедница не дејствуваат брзо и решително, Путин би можел да го претвори Балканот во нова зона на конфликт и нестабилност, исто како што направи во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пропадна средбата Трамп-Путин, Русите веднаш брутално нападнаа: погодена градинка
Најмалку седум лица, меѓу кои и две деца, се убиени во серија руски напади со беспилотни летала и ракети низ Украина, соопштија официјални лица. Нападите погодија градинка во Харков, вториот по големина град во Украина, и предизвикаа голема штета во Киев, јавува Би-би-си.
Меѓу 27-те повредени имало деца. Брачен пар на возраст од околу 60 години загина во Киев кога беспилотно летало ја погоди нивната станбена зграда, а уште четворица загинаа во околината на главниот град.
#Харків: рятувальники локалізували пожежу у дитсадку після російського удару БпЛА
На момент обстрілу в укритті перебували 48 дітей, всіх евакуювали. На жаль, 1 людина загинула, ще 6 постраждали.
Також виникла пожежа у багатоквартирному будинку та недіючій складській будівлі. pic.twitter.com/Pz3pAxGYnj— DSNS.GOV.UA (@SESU_UA) October 22, 2025
Во селото Похреби, северно од Киев, пожар предизвикан од рускиот напад уби 36-годишна жена, шестмесечно бебе и 12-годишно девојче. Маж од блиското село, исто така, почина од повредите.
Официјалните лица во Харков потврдија дека еден 40-годишен маж е убиен, а седум други се повредени во напад со беспилотно летало врз градинка. Меѓу ранетите има неколку деца, додека десетици се евакуирани.
Украинските воздухопловни сили соопштија дека Русија лансирала 405 беспилотни летала и 28 ракети преку ноќ, од кои 15 биле балистички. Сирени за воздушен напад и експлозии одекнувале во главниот град со часови.
У Києві внаслідок російської атаки загинуло 2 особи, травмовані 22 людини, з них – 4 дітей.
Психологи ДСНС Києва надали допомогу 31 людині.
Деталі: https://t.co/co0MxxcHhA pic.twitter.com/GgYEwHqfYx— DSNS.GOV.UA (@SESU_UA) October 22, 2025
Нападите се случија само неколку часа откако американскиот претседател Доналд Трамп објави дека неговите планови за самит со рускиот претседател Владимир Путин во Будимпешта се одложени бидејќи не сака „залудна средба“.
Сепак, руските претставници денеска изјавија дека подготовките за самитот продолжуваат, што е спротивно на проценката на Трамп. Портпаролот на Кремљ, Дмитриј Песков, рече дека датумот сè уште не е договорен, нагласувајќи дека средбата е „заемна желба на двајцата претседатели“.
Украинскиот претседател Володимир Зеленски рече дека нападите докажале дека Москва не е под доволен притисок да ја запре војната. Тој директно го поврза одложувањето на самитот со неговото барање за американски ракети „Томахавк“.
„Штом прашањето за ракетите со долг дострел стана малку подалечно за нас, за Украина, тогаш Русија речиси автоматски стана помалку заинтересирана за дипломатија“, рече Зеленски за време на посетата на Норвешка.
Тој, исто така, го коментираше предлогот на Трамп за замрзнување на фронтот, нарекувајќи го „добар компромис, но не сум сигурен дека Путин ќе го поддржи, и му го кажав тоа на претседателот“.
фото: принтскрин
Европа
Големо враќање на легендарната руска шпионка, за која целиот свет пишуваше во 2010 година: Путин ѝ довери нова мисија
Поранешната руска шпионка Ана Чепмен, некогаш најпознатата тајна агентка во светот, повторно влезе во светот на шпионажата, овој пат со сосема нова задача од Москва.
Според руските медиуми, 43-годишната Чепмен, сега под името Ана Романова, е назначена за директорка на новоотворениот Музеј на руската разузнавачка служба, проект директно поврзан со елитната тајна служба на Владимир Путин, СВР (наследникот на поранешната КГБ).
Од британски државјанин до симбол на руската шпионажа
Чепмен стекна меѓународна слава во 2010 година, кога ФБИ ја уапси во Њујорк како дел од руска „скриена ќелија“. По кратко судење, таа беше вратена во Русија во размена на шпиони во која, меѓу другите, беше испратен и двојниот агент Сергеј Скрипал во Велика Британија. Скрипал подоцна беше отруен во Солсбери во напад за кој западните служби ја обвинија Москва.
Нејзиниот нов музеј е регистриран во близина на московскиот парк Горки, во зграда што ѝ припаѓа на Службата за надворешно разузнавање (СВР), и има за цел да ја прикаже „историјата и успесите на руската шпионажа“, со посебен акцент на операциите против Западот.
Чепмен и претходно се прослави во Лондон, каде што го искористи својот шарм и врски за да влезе во круговите на богати бизнисмени, политичари и олигарси. Таму, наводно, била регрутирана од руски агент кој дејствувал од британскиот главен град.
Таа станала британски државјанин преку бракот со Алекс Чепмен, но бракот завршил бурно. Нејзиниот поранешен сопруг, кој подоцна починал, еднаш се обидел да ја нападне Ана со дупчалка, објавија британските таблоиди.
Во својата автобиографија објавена минатата година, Чепмен се прикажува себеси како „женски Џејмс Бонд“ – таа е, како што вели, самоуверена, заводлива и пресметлива.
„Природата великодушно ми даруваше: тесен струк, гради и долга црвена коса. Сè што требаше да направам беше да ја нагласам со едноставна, но секси облека и лесна шминка. Најважно беше што не се трудев премногу. И тоа функционираше како магија“, напиша таа во своите мемоари.
Во мемоарите, таа опишува и патувања, раскошни забави и средби со влијателни луѓе, а меѓу деталите се споменува и како наводно се вработила во лондонски хеџ фонд – по партија стриптиз-покер.
Сепак, Чепмен не открива какви информации можеби ѝ пренела на Москва, ниту пак ги споменува британските политичари и милијардери со кои наводно се зближила.
фото: принтскрин
Европа
(Видео) Руските сили го нападнаа Харков, една од целите приватна градинка
Руските сили утрово го нападнаа Харков со беспилотни летала, а една од целите беше приватна градинка во округот Холоднохир. Во нападот беа повредени деца, едно лице беше убиено, а на местото на нападот избувна пожар, потврди градоначалникот Игор Терехов. Според последните информации, повредени се пет лица.
A 40-year-old man was killed and 5 people (including kids) were wounded due to a direct strike of a Russian-Iranian Shahed kamikaze drone at a kindergarten in Kharkiv (eastern Ukraine). pic.twitter.com/rVT4t4ZcXi
— Douggie Fukkew (@MrFukkew) October 22, 2025
Според првите информации, помеѓу 10.55 и 10.57 часот во градот одекнаа три силни експлозии. Неколку беспилотни летала, за кои се верува дека се ирански „Шахеди“, беа видени на небото. Сите деца беа успешно евакуирани од погодената градинка до 11.18 часот. Сè уште гори местото на кое беше извршен напад.
Шефот на регионалната воена администрација, Олег Синегубов, извести за уште две жртви – маж и жена, кои беа пренесени во болница. Тој нагласи дека жената е во сериозна состојба и има тешки изгореници.
‼️Footage from Kharkiv, where a Russian drone struck a kindergarten. https://t.co/uWiDFlLRbh pic.twitter.com/ZdZ4AspZ3G
— NEXTA (@nexta_tv) October 22, 2025
Напади во Украина
Руските ракетни напади во текот на ноќта предизвикаа пожари, а од остатоците од оружјето, кои паднале во неколку области на украинскиот главен град, биле запалени автомобили и искршени се прозорци, изјави градоначалникот на Киев, Виталиј Кличко.
Службите за итни случаи се испратени на неколку локации, каде што паднале остатоци од уништено воздушно оружје, рече Кличко на апликацијата за пораки „Телеграм“. Сведоците на „Ројтерс“ слушнале експлозии, кои изгледале како да се од воздушна одбрана во акција. Локалните медиуми објавија дека две лица се убиени, а 13 се повредени.
Moment of a “Shahed” hitting a private kindergarten in Kharkiv. pic.twitter.com/TwrYhLNbb3
— Stas Doma (@StasDoma) October 22, 2025
Киев беше под силен напад со балистички ракети и беспилотни летала во текот на ноќта и рано наутро, а градоначалникот Виталиј Кличко редовно даваше информации за ситуацијата на терен. Експлозиите одекнуваа во целиот град, а воздушната одбрана беше активна, рече Кличко на своите официјални канали.
All night and during the morning, Russia attacked Ukraine with ballistic, cruise and Kinzhal missiles, drones.
Kyiv was under attack. Residential buildings damaged. Energy infrastructure under attack.
The air raid alert continues, the danger of Russia present.
— Anton Gerashchenko (@Gerashchenko_en) October 22, 2025
Обемот на нападот и главната цел сè уште не се познати. Русија сè уште не коментира.
фото: принтскрин
За Мицкоски предвремените избори се непотребни, но на oпозицијата и’ порача: „Внимавајте што посакувате, можеби ќе ви се исполни“
Премиерот и лидер на ВМРО-ДПМНЕ, Христијан Мицкоски, во своето обраќање по повод Денот на македонската револуционерна борба се осврна на...
Даниловски алармира: Глувците во Скопје шират ризик од болести, преминат е Рубиконот, потребна е итна интервенција
Епидемиологот проф. д-р Драган Даниловски предупреди дека Скопје се соочува со закана за јавното здравје, повикувајќи на итна, координирана интервенција...
Независниот кандидат Милосим Војнески се повлече од вториот круг во Македонски Брод
Независниот кандидат за градоначалник на Општина Македонски Брод, Милосим Војнески, објави дека се повлекува од изборната трка пред вториот круг...
Не сакаме да се повтори сценариото со Арсовска, ние сме тука за скопјани, не за поединци, рече Мециновиќ
Кандидатот за градоначалник на Скопје од редовите на Левица, Амар Мециновиќ, на денешната прес-конференција изјави дека партијата бележи значителен раст...
Скопските лихвари им ги одземале имотите на оние кои не можеле да ја вратат позајмицата, каматата била и до 15 отсто месечно
Полицијата спроведе координирана акција на повеќе локации низ Скопје и приведе 11 лица осомничени за лихварство и перење пари, а...
Николоски: Потпишавме меѓудржавен Договор за авиосообраќај, создаваме услови за нови линии и бројни туристи од Велика Британија
Заменик претседателот на Владата и министер за транспорт Александар Николоски и Киер Метер, министер за воздухопловство, поморство и декарбонизација, во...
Санкции за „Роснефт“ и „Лукоил“ – САД и Британија обединети против руската нафта
Американското Министерство за финансии воведе нов пакет санкции против две најголеми руски нафтени компании – „Роснефт“ и „Лукоил“, со цел...
Македонија го одбележува 23 Октомври, Денот на македонската револуционерна борба
Во Македонија денеска се одбележува 23 Октомври – Денот на македонската револуционерна борба, државен празник и неработен ден за сите...
Меџити: Ова е чиста победа, изградена со доверба и љубов кон Чаир
Синоќа во општина Чаир Изет Меџити и неговиот тим ја прославија победата на локалните избори. Меџити им се заблагодари на...
Ќе се бориме за да ги браниме националните интереси, иднината на државата е во рамките на ЕУ, порача Мицкоски од Лондон
Економијата, безбедноста и процесот на интегрирање на Македонија во рамките на ЕУ, како што соопшти премиерот Христијан Мицкоски биле теми...
12 лица под истрага по полициските претреси во Скопје: осомничени се за лихварство и перење пари
Под раководство на јавен обвинител од ОЈО ГОКК, единиците на МВР денеска, по обезбедени Наредби од Основниот кривичен суд –...
(Видео) Мециновиќ: Владиниот кандидат се сретна со „Вреди“ и ја доби нивната поддршка, јас се среќавам со Скопје
Кандидатот на Левица за градоначалник на Скопје, Амар Мециновиќ кој влезе во вториот круг на локалните избори се огласи откако...
Кандидатите за градоначалници на Скопје се договорија: ТВ дебата во вторник
Кандидатот на партијата Левица за градоначалник на Скопје, Амар Мециновиќ денеска преку социјалните мрежи извести дека прифаќа дебата со противкандидатот...
„Додека Данела сака да биде инфлуенсерка и троши време на театар, претпријатијата и штрајкуваат, а вработените немаат плати“, велат од ВМРО-ДПМНЕ
„Со длабоко разбирање за состојбата во која се наоѓа и за предизвиците од лична природа на кои е изложена, нема...
Жени се истепаа во автобус на ЈСП, во друг инцидент, скопјанец нападнат од четири лица
Вчера во 14:20 часот во СВР Скопје е пријавено дека во автобус на ЈСП на подрачјето на Центар, бил нарушен...
Сметам дека и во првиот круг Левицата имаше поддршка од ДУИ, а коалицијата со СДСМ e веќе jавна, вели Ѓорѓиевски
Кандидаттот за градоначалник од ВМРО-ДПМНЕ и коалицијата, Орце Ѓорѓиевски, смета дека неговиот противкандидат во вториот круг, Амар Мециновиќ од партијата...
Истрага против 32 физички и правни лица за злоупотреби при јавни набавки во прилепската болница
По поднесена кривична пријава од Управата за финансиска полиција, Основното јавно обвинителство Прилеп денеска донесе наредба за спроведување истражна постапка...
Mицкоски се сретна со кралот Чарлс: „Беше искрено и содржајно“
Премиерот Христијан Мицкоски на социјалните мрежи објави дека во рамките на престојот во Лондон остварил средба со Неговото Кралско Величество,...
Полицијата претресува на повеќе локации во Скопје поради лихварство и перење пари
Под раководство на предметен обвинител од Основното јавно обвинителство за гонење организиран криминал и корупција (ОЈО ГОКК), полициски единици на...
И СДСМ излезе со процени: со ваков резултат ВМРО-ДПМНЕ би имала 52 пратеници, а СДСМ 21
СДСМ реагираше на тврдењата на ВМРО-ДПМНЕ дека се апсолутни победници на локалните избори, посочувајќи дека бројките, според нивната анализа, покажуваат...
