Петицијата со која се бара забрана на песните на руски јазик на стриминг платформите во Украина собра 25.000 потписи и ќе биде разгледана од владата на земјата.

Петицијата беше објавена на 17 февруари, а нејзиниот автор тврди дека песните на руски може да носат пораки кои му наштетуваат на украинскиот идентитет, пренесе РИА Новости.

Предлог-законот бара блокирање на песните на руски јазик на платформи како што се Apple Music и Spotify.

Како алтернатива се нудат песни на други јазици.

Соединетите Американски Држави им дадоа рок од три недели на земјите од Европската унија да постигнат договор за „предавање“ на Украина, соопшти денеска финскиот пратеник во Европскиот парламент Мика Алтола.

„САД ни дадоа три недели да се договориме за условите за предавање на Украина. Ако не го сториме тоа, САД ќе се повлечат од Европа“, напиша Алтола на својот профил на мрежата Икс.

Тој оцени дека за американскиот претседател Доналд Трамп безбедноста на Русија е приоритет и сега и во иднина.

„Имаме три недели да пораснеме“, напиша Алтола, инаку член на Европската народна партија (ЕПП), пренесува Танјуг.

Минатата недела Трамп ги изненади Европејците со тоа што се согласи на билатерални мировни преговори со Русија за да се стави крај на војната во Украина, без учество на Украина, што ја зголеми загриженоста во ЕУ дека неговиот пристап за ставање крај на конфликтот ќе биде од корист за Русија.

Претставници на САД и Русија се состанале во Швајцарија на неформални разговори за војната во Украина во последните месеци, од кои последниот бил минатата недела, изјавија три извори за „Ројтерс“.

Иако учесниците во овие разговори имаат искуство во дипломатската и безбедносната сфера, тие не се владини функционери и засега не е јасно дали се испратени од влади, велат два анонимни извори.

Тие ги опишаа разговорите како спореден канал, со воспоставени контакти за време на периодот на транзиција на власта по победата на американскиот претседател Доналд Трамп на изборите на 5 ноември.

Не се познати деталите од разговорот.

Најмалку неколку советници на Трамп знаат за овие разговори, изјави еден од изворите директно инволвирани во оваа работа.

Други детали за овие средби не се познати, вклучително и дали имало Украинци, кога точно почнале состаноците и кои биле темите.

Овие досега необјавени состаноци се показател за напорите зад сцената на САД и Русија да ги истражат начините за ставање крај на војната во Украина и покрај речиси замрзнувањето на официјалните контакти во времето на претходникот на Трамп, поранешниот претседател Џо Бајден.

Трамп кој е на функцијата само еден месец, го смени американскиот пристап кон тригодишниот конфликт во Украина, иницирајќи разговори директно со рускиот претседател Владимир Путин.

Високи американски претставници во вторникот се состанаа со руски официјални претставници во Саудиска Арабија, вклучувајќи го и министерот за надворешни работи Сергеј Лавров.

Швајцарското Министерство за надворешни работи изјави за Ројтерс дека било информирано за разговорите.

„Овие активности помагаат во поддршката на дипломатските напори поврзани со конфликтот“, соопшти Министерството.

Два извори рекоа дека најмалку една средба се одржала минатата недела во Женева за време на Минхенската безбедносна конференција.