Свет
Британскиот премиер ќе замине во САД на средба со Трамп

Британскиот премиер Кир Стармер патува во Вашингтон следната недела за да се сретне со американскиот претседател Доналд Трамп, настојувајќи на улогата на посредник меѓу Американците и Европејците за Украина.
„Премиерот со нетрпение очекува наскоро да се сретне со претседателот Трамп за да разговараме за тоа како можеме да ги продлабочиме нашите посебни односи во трговијата, инвестициите и безбедноста“, рече портпаролот на лидерот на лабуристите.
Во однос на Украина, лидерот на лабуристите ја истакна важноста од обезбедување траен мир и потребата Европа и САД да продолжат да соработуваат тесно, нагласувајќи дека Обединетото Кралство има уникатна улога да го овозможи тоа.
Стармер рече дека е подготвен да испрати војници во Украина доколку е потребно за да придонесе за безбедносните гаранции за Украина. Тој нагласи дека се работи и за безбедноста на неговата земја и Европа. Тој ги повика Европејците да играат поголема улога во НАТО.
Кир Стармер присуствува на европскиот самит во Париз за да разговара за одговорот на забрзувањето на администрацијата на Трамп за Украина, пред разговорите закажани за вторник во Саудиска Арабија меѓу високи руски и американски претставници.
Другите теми за кои ќе разговараат Стармер и Трамп ќе ги вклучуваат царините што американскиот претседател планира да ги воведе на увозот на челик и алуминиум од 12 март.
Лондон, кој редовно ја истакнува историската специјална врска меѓу Обединетото Кралство и Соединетите Држави, се надева дека ќе го избегне ова и избира попомирувачки тон со Вашингтон отколку со Европската унија или Канада.
Трамп во петокот го опиша британскиот премиер како многу добро момче со кое многу добро се согласуваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.
Свет
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија

И покрај забраната на Владата на Виктор Орбан, огромен број луѓе денес почнаа да се собираат во главниот град на Унгарија, Будимпешта, на Парадата на гордоста.
Странските медиуми пренесуваат дека организаторите очекуваат рекордна посетеност за 30. издание на Парадата на гордоста во Будимпешта, и покрај полициската забрана која ја наметна националистичката Влада на премиерот Виктор Орбан.
Thousands of people are marching for pride in Budapest. A 200 pp @Amnesty delegation is here from around Europe. Against repression we stand and rise. We resist. This is trans-national civil disobedience. #BudapestPride pic.twitter.com/8qSYr1K0rC
— Agnes Callamard (@AgnesCallamard) June 28, 2025
Владината коалиција на Орбан годинава ги смени законите и уставот за да забрани годишно прославување, оправдувајќи го долготрајното потиснување на ЛГБТ-правата со повикување на “заштита на децата”. Орбан вчера изјави дека полицијата нема да ја разбие поворката, но дека оние кои учествуваат треба да бидат свесни за “правните последици“.
Организаторите на поворката ризикуваат да добијат до една година затвор, а учесниците можат да бидат казнети со парична казна до 500 евра. Со последните законски измени, на власта и е дозволено да користи и технологија за препознавање лица.