Свет
Британските дипломати ќe ја користат Амбасадата на САД во Ерусалим иако се противеа на нејзиното преселување
Британските дипломати во Израел сепак ќе соработуваат со Американците преку новата американска амбасада во Ерусалим, пренесува „Раша тудеј“ цитирајќи британски министер. Иако е најблизок европски сојузник на САД, Велика Британија ѝ се приклучи на меѓународната заедница во бојкотирањето на церемонијата за отворање на Амбасадата на САД во Ерусалим минатата недела кое поттикна насилни судири меѓу палестинските демонстранти и израелската армија на границата во Појасот Газа во кои загинаа најмалку 60 лица. Велика Британија се вклучи во меѓународниот протест, повикувајќи ги израелските сили да покажат воздржаност во смирувањета на немирите истовремено осудувајќи ја одлуката на САД.
„Веруваме дека ова е игра со погрешна карта во погрешно време”, рече тогаш британскиот секретар за надворешни работи, Борис Џонсон.
Сега се дознава дека обидот на Велика Британија да му се спротивстави на својот главен сојузник можеби е краткотраен. Само три дена подоцна, британскиот министер за Блискиот Исток, Алистер Барт, наводно, им рекол на членовите на Британскиот совет за палестинска политика дека Британија не е подготвена да оди дотаму да одбие да влезе во американската амбасада.
„Кога му рековме да потврди [дека] британските функционери нема да присуствуваат на состаноците во амбасадата бидејќи Велика Британија не ја признава, тој беше многу јасен дека ќе присуствуваат”, извор кој присуствувал на средбата со Барт изјави за „Мидл Ист ај“.
Само две други земји – Гватемала и Парагвај – го следеа потегот на САД и ги преселија своите амбасади во Ерусалим за кој Израел смета дека е нејзин единствен и неподелен главен град, идеја која нема поддршка од меѓународната заедница. Како и мнозинството земји, Велика Британија го поддржува решението за две држави во кое Ерусалим е предвиден како заеднички главен град на државите Израел и Палестина.
Контроверзноста околу плановите на Британија да им дозволи на своите дипломати да ја посетуваат Амбасадата на САД во Ерусалим е уште еден двосмислетен сигнал од Лондон во врска со последните случувања во палестинско-израелскиот спор. Во петокот Британија се воздржа од гласањето на Советот за човекови права на ОН да почне истрага за воени злосторства во врска со брутално острите мерки против палестинските демонстранти од страна на Израел. Само две земји – САД и Австралија – гласаа против резолуцијата. Одлуката беше критикувана од секретарот за надворешни работи во сенка, Емили Торнбери, од Лабуристичката партија, која рече дека е згрозена што владата на Британија не поддржа независна истрага.
Начинот на кој Британија прво им се спротивстави на САД за само неколку дена подоцна да му се умилкува на американскиот претседател, Доналд Трамп, е крајно лицемерие, вели Питер Форд, поранешен амбасадор на Велика Британија во Сирија. Тој го отфрли аргументот дека со одржување на контакти со Амбасадата на САД во Ерусалим, Велика Британија може да има подобар поддршка од Вашингтон.
Поранешниот дипломат тврди дека работите ќе биле многу различни ако не беа САД тие што ја преселија својата амбасада, туку Русија.
„Дали британската позиција ќе беше да продолжи да соработува со Русија? Нема шанси. Ќе имаше ужасни протести, ќе се најдеа правни аргументи за да се оправда позицијата на Велика Британија да нема никаква врска со таа руска амбасада. Тоа се двојни стандарди. ”
Неспособноста на Велика Британија да ги поддржи своите зборови со дела дополнително го охрабрува Трамп и поставува опасен преседан по излегувањето на САД од нуклеарната спогодба со Иран, истакна тој.
„Тоа е пропуштена можност која прави да изгледа дека Трамп да може насила да си го тера своето покрај Европејците и тоа е многу лош преседан во контекст на Иран”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Израел објави снимки од масакрот на Хамас: „Најмрачниот ден во историјата на земјата“
Израел објави потсетник на социјалните мрежи на втората годишнина од масакрот на Хамас во Израел. По тој повод, тие објавија и видеа од нападот, како и од израелскиот одговор.
„Пред две години, Израел се соочи со најтемниот ден во својата историја. На 7 октомври, палестинските џихадисти на Хамас ја нападнаа нашата земја. Тие убија, запалија и киднапираа невини мажи, жени и деца“, се вели во објавата.
🕯️ Prije dvije godine, Izrael se suočio s najmračnijim danom u svojoj povijesti.
7. listopada, palestinski džihadisti Hamasa napali su našu zemlju. Ubijali su, spaljivali i otimali nevine muškarce, žene i djecu.Dvije godine kasnije, sjećamo se 7. listopada – sjećamo se žrtava,… pic.twitter.com/jDq0QChZvq
— Israel in Croatia (@IsraelinCroatia) October 7, 2025
„Две години подоцна, се сеќаваме на 7 октомври – се сеќаваме на жртвите, се молиме за враќање на заложниците што сè уште се држат во Газа и сме обединети против теророт. Хамас мора да биде расформиран за да се стави крај на оваа војна“, објави Израел.
„Остануваме посветени на нашите вредности, сега повеќе од кога било. Светлината ќе ја победи темнината“, заклучува објавата.
Пред точно две години, Хамас започна координиран напад врз јужен Израел. Милитантите на Хамас и Исламски џихад ја пробија оградата што ја одделува Газа од Израел, нападнаа голем број гранични населби, убија цивили, запалија домови и киднапираа луѓе. Нападите траеја со часови, а според официјалните израелски бројки, околу 1.200 луѓе беа убиени, додека повеќе од 250 луѓе беа земени како заложници во Газа.
Израел веднаш одговори со обемни воени операции – воздушни напади, копнени операции и опсада на Појасот Газа. Во текот на двете години војна, десетици илјади Палестинци беа убиени, а стотици илјади останаа без покрив над главата. Хуманитарната ситуација во Газа останува катастрофална.
Европа
Орбан: Зеленски ја користи својата вообичаена тактика, но унгарскиот народ одлучи
Унгарскиот премиер Виктор Орбан го обвини украинскиот претседател Володимир Зеленски за „користење на неговата вообичаена тактика на морална уцена“.
„Се испостави дека претседателот Зеленски сака да одлучи што е најдобро за Унгарците. Тој повторно ја користи својата вообичаена тактика на морална уцена за да ги принуди земјите да ги поддржат неговите воени напори.
Почитуван господине претседателе, со сето должно почитување, Унгарија нема морална обврска да го поддржи пристапувањето на Украина во ЕУ. Ниту една земја никогаш не влегла во ЕУ преку уцена – и тоа нема да се случи ниту овој пат.
Договорот за ЕУ не остава простор за двосмисленост: членството се одлучува едногласно од земјите-членки. Унгарскиот народ одлучи. Тие со огромно мнозинство рекоа „не“ на членството на Украина во ЕУ на референдум. Ако сакате да го промените тоа, медиумската кампања што ја водите против Унгарија веројатно не е најдобриот начин да се добијат пријатели“, напиша Орбан на Икс.
Зеленски вчера на прес-конференција со холандскиот премиер Дик Шуф изјави дека Украина ќе стане членка на ЕУ без оглед на ставот на Орбан. „Украина ќе биде во ЕУ, со или без Орбан, бидејќи тоа е избор на украинскиот народ“, нагласи Зеленски.
фото: принтскрин
Европа
Мерц: Путин води хибридна војна против Германија, сака да нè заплаши
Германскиот канцелар Фридрих Мерц го обвини рускиот претседател Владимир Путин дека води „хибридна војна“ во Германија.
„Тој води информациска војна против нас. Тој води воена борба против Украина, а таа војна е насочена и против нас“, изјави Мерц за германската телевизија ntv.
Мерц тврди дека рускиот претседател сака да го преврти европскиот политички поредок наопаку. „И затоа ја поддржуваме Украина“, објасни Мерц, додавајќи дека е во интерес на Германија да го брани својот политички поредок и отворените, либерални општества во Европа.
На прашањето дали Путин води војна против Германија, Мерц рече: „Тој води хибридна војна против нас“.
Осврнувајќи се на зголемениот број инциденти со беспилотни летала во Германија и низ цела Европа, Мерц рече: „Ја знаеме заканата“, додавајќи дека Путин сака да заплаши и да всади страв.
„Нема да бидеме заплашени и исто така ефикасно ќе се браниме од оваа закана“, рече Мерц.
На прашањето дали размислувал да се јави на Путин, Мерц рече дека „секако го разгледува тоа“.
Тој додаде: „Можам само да видам дека секој обид да разговарам со него во моментов завршува со уште понасилни напади врз Украина“.
фото: принтскрин
Орбан: Зеленски ја користи својата вообичаена тактика, но унгарскиот народ одлучи
Унгарскиот премиер Виктор Орбан го обвини украинскиот претседател Володимир Зеленски за „користење на неговата вообичаена тактика на морална уцена“. „Се...
(Видео) Украински напад на 2000 километри од фронтот: рафинерија погодена во далечниот Сибир
Украински беспилотни летала наводно го нападнале сибирскиот град Тјумен доцна синоќа, на повеќе од 2.000 километри од линијата на фронтот,...
(Видео) Трамп: Грета е луда, треба да оди на лекар
Американскиот претседател Доналд Трамп беше прашан од новинарите во Овалната соба за депортацијата на Грета Тунберг и други пропалестински активисти...
Сиљановска-Давкова: Цинизам и хипокризија е да барате од некого да биде отпорен на трети влијанија, оставајќи го пред портите на Европската Унија
Претседателката Гордана Сиљановска-Давкова денеска се обрати на годинешната средба на земјите учеснички во „Процесот Брдо-Бриони“, којашто се одржа во Драч,...
За пет дена 2.267 сообраќајни прекршоци, уапсени се 22 лица
Од почетокот на месец октомври полицијата констатирала 2.267 сообраќајни прекршоци, а 22 лица се уапсени за безобзирно управување на возило,...
(Видео) Николоски: Јасно е дека Заев ги влече конците во СДСМ
Јасно е дека Заев ги влече конците и во време на претходниот претседател на СДСМ и премиер, Димитар Ковачевски и...
Жител на Кочани пронајден мртов во Љубљана, од МНР велат дека случајот го истражува полицијата
До македонската амбасада во Љубљана е доставено известување дека во текот на ноќта на 2 октомври, животот го загубил македонски...
Помошник на министерот за внатрешни работи незаконски зел надоместоци за прекувремена работа и бонус плата
Полицијата поднесе кривична пријава против помошник на министерот за внатрешни работи, раководител на Одделот за дисциплински и судски постапки, затоа...
Меркел: Дали Путин ќе ја нападнеше Украина ако не се случеше пандемијата на коронавирус?
Поранешната германска канцеларка, Ангела Меркел, даде интервју за унгарскиот медиум „Партизан“. Меѓу другото, таа зборуваше за конфликтот во Украина. „Во...
Заев: Најостро и категорично ги отфрлам лагите и клеветењата од Мицкоски за наводни „куферчиња со пари од поранешен премиер од Бугарија“
„Небулози, клевети и навреди се методите на Мицкоски со кои сака да се оправда за катастрофата која и ја нанесува...
„Водовод“: Поради прекини на струја дојде до два дефекти истовремено на главната водоводна линија
ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај...
(Видео) Во Црна Гора убиен член на Шкаљарскиот клан: телото пронајдено во автомобил
33-годишниот Бобан Сјеклоќа беше убиен вчера околу 18 часот во продолжението на војната меѓу црногорските кланови. Телото на овој висок...
(Видео) Мерц: Русија стои зад дроновите над Германија
Германскиот канцелар Фридрих Мерц изјави дека се сомнева дека Русија стои зад серијата беспилотни летала видени над Германија во текот...
Трамп: Разговорите со Хамас за завршување на војната во Газа напредуваат брзо
Американскиот претседател Доналд Трамп вчера изјави дека преговорите со Хамас за прекин на израелската војна во Газа и ослободување на...
(Видео) Украинците го нападнаа Белгород: град со 300.000 жители остана без електрична енергија
Рускиот град Белгород и околните области беа погодени од прекин на електричната енергија синоќа. Причината беа нападите што ја оштетија...
(Видео) Мафијашка пресметка во Црна Гора, пронајдено тело на популарна плажа
Целосна полициска блокада е воспоставена во поширокото подрачје на плажата Јаз во близина на Будва вчера вечер поради убиство што...
Мицкоски: Струмица е град на гуруто на Филипче, но времињата се менуваат, народот ќе победи, Струмица ќе победи
20 години Струмица чекаше на промени кои, еве, ви велам дека ќе се случат. Кога ве гледам во овој голем...
Филипче: Се случуваат големи отпуштања на вработени, а ветија нови работни места
„Јасно е, ВМРО-ДПМНЕ работи за олигарсите, граѓаните за нив се само бројка во избирачкиот список“, оваа порака ја упати вечерва...
Мицкоски: Завршува времето кога источниот сосед и неговиот премиер финансираше македонски политичари, за да овие му даваат подароци во форма на национални отстапки врз грбот на македонскиот народ
Христијан Мицкоски, претседателот на ВМРО-ДПМНЕ, се обрати на денешниот народен митинг во Радовиш, во рамки на изборната кампања за локалните...
Филипче: Се бориме за 500 евра минимална плата и достоинство за секој работник
Претседателот на СДСМ, Венко Филипче, денеска беше во посета на Пехчево од каде порача дека борбата на овие избори не...
