Свет
Главниот британски епидемиолог даде оставка, ги прекршил мерките за изолација за средби со неговата љубовница
Епидемиологот Нил Фергусон, кој беше еден од главните советници на британската влада за коронавирусот, даде оставка откако ги прекршил правилата за изолација и имал средби со неговата љубовница.
Професорот, кој го советувал премиерот Борис Џонсон да воведе карантин и држел јавни говори дека граѓаните мора да ги почитуваат строгите мерки за изолација и физичка дистанца, поднесе оставка од функцијата советник откако во јавноста се дозна дека тој ја примал во својот дом неговата девојка, која инаку е мажена, пишува британски „Телеграф“.
Во изјавата за оставката, водечкиот епидемиолог од лондонскиот колеџ Империјал рекол дека направил грешка во проценките.
„Прифаќам дека направив грешка во проценките и дека постапив погрешно. Затоа отстапив од САГЕ, Агенција за научно советување на владата за вонредни состојби. Се однесував како да сум имун, откако речиси две недели поминав во изолација кога бев тестиран и бев позитивен на коронавирус. Длабоко жалам поради какво било потценување на пораката дека физичкото дистанцирање е постојано потребно за контрола на оваа разорна епидемија. Владините насоки се недвосмислени и постојат да нè заштитат“, рекол Фергусон.
Британските медиуми наведуват дека неговата оставка е удар за владата и министрите кои тој ги советувал. Тој станал еден од најистакнатите членови на САГЕ, а во март предупреди дека 250.000 луѓе би можеле да починат ако Велика Британија не ги примени сите мерки за физичка дистанца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.