Грција се соочува со сериозна демографска криза, покажува студија на статистичката агенција Елстат. Младите најчесто остануваат да живеат со родителите сè до својата 30-та година, бидејќи ниските плати не им дозволуваат самостоен живот и основање семејство. Ова, според психолозите, има негативно влијание и врз социјалниот живот и врз желбата за создавање нови семејства.

Според податоците на Евростат, Грција е прва во Европа по бројот на млади кои доцна го напуштаат родителскиот дом. Во Бугарија, на пример, младите заминуваат во просек на 28 години, пренесува БНР.

Кризата со домувањето дополнително ја влошува ситуацијата, а иако владата покрива една месечна кирија годишно за младите семејства, ниските примања и несигурноста ја намалуваат желбата за деца. Во последните 13 години, во земјата се родени четвртина милион деца помалку во однос на пред две децении.

Опозициската СИРИЗА предупредува дека демографската криза не може да се реши без сеопфатна стратегија.

Обилните дождови во Грција ги поплавија патиштата и продавниците. Полицијата ги повикува возачите да возат внимателно.

Јужниот дел од земјата беше најмногу погоден, особено планинските региони Загори и Џумерка, каде што патиштата беа непроодни. Пожарникарите мораа да спасуваат патници од поплавените автомобили. Беше спроведена спасувачка операција за спасување на двајца земјоделци и нивните стада.

Полицијата затвори еден од патиштата до пристаништето Игуменица. Сè е во вода, соопштија пристанишните власти.

Островот Крф е силно погоден од поројни дождови. Патиштата се како реки, што го оневозможува движењето, се жалат жителите на островот.

Многу куќи на приземје, ресторани и продавници се поплавени.

За денес, прогнозите се дека лошото време ќе продолжи, опфаќајќи го поголемиот дел од земјата и егејските острови.

Властите издадоа предупредување за внимателност при возење во областите Солун, Патра и Крит.

Повеќе од 600 бебиња под две години претрпеле сексуално насилство минатата година, според податоците објавени денес од Француската меѓуминистерска мисија за заштита на жените (Miprof).

Како што наведува оваа мисија, која се повикува на податоци од Министерството за здравство, минатата година 614 бебиња биле примени во здравствени установи поради сексуално насилство, што е два процента од вкупниот број жртви на овој вид насилство, објави телевизијата Bfm.

Вкупно 73.992 жртви на родово базирано и сексуално насилство биле примени во здравствени установи во 2024 година, што е за речиси 9.000 повеќе од претходната година, според најновиот годишен извештај за насилство врз жените во Франција, пренесува „Танјуг“.

Фото: принтскрин