Свет
Британски танкер се крие од Иран во Персискиот Залив
Британскиот нафтен танкер на компанијата „БП“ се сокрил во Персискиот Залив поради стравувањата дека Иран би можел да го заплени како одмазда поради минатонеделната заплена на иранскиот супертанкер во Гибралтар, пренесува „Спутник“.
Бродот „Бритиш херитиџ“, кој може да превезе околу милион барели нафта, тргнал кон ирачкиот терминал Басра, но тогаш нагло свртел, пренесува „Блумберг“.
„Тоа е психолошка игра“, вели директорот на енергетската советодавна компанија „Петроматрикс“, Оливие Џејкоб.
Тој додава дека во таа игра никој не сака да биде оној чиј брод ќе биде запленет.
Британската кралска морнарица во четвртокот во Гибралтар заплени ирански танкер затоа што превезувал нафта за Сирија и со тоа ги прекршил санкциите на ЕУ.
Иран негираше дека танкерот пловел кон Сирија. Шефот на иранската дипломатија, Мохамед Џавад Зариф, порача дека Велика Британија минатата недела поставила опасен преседан со задржувањето на иранскиот танкер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.