Свет
Британско разузнавање: Русите користат моќни авиони, но внимаваат да не се урнат во Украина
Британското Министерство за одбрана во својот дневен извештај за ситуацијата во Украина наведува дека Русите речиси сигурно го користеле „су-57 ФЕЛОН“ за време на нападот врз Украина од јуни 2022 година, најнапредниот суперсоничен борбен авион од петтата генерација. Тие мисии, најверојатно, биле ограничени на летање над руската територија и лансирање проектили со долг дострел „воздух-земја“ или „воздух-воздух“ во Украина, соопшти британското министерство.
Latest Defence Intelligence update on the situation in Ukraine – 9 January 2023
Find out more about the UK government’s response: https://t.co/MFEwqMMnI3
🇺🇦 #StandWithUkraine 🇺🇦 pic.twitter.com/mdjvswJrWJ
— Ministry of Defence 🇬🇧 (@DefenceHQ) January 9, 2023
Сателитските снимки од 25 декември покажуваат пет FELON во воздухопловната база Ахтубинск, дом на 929. воздушен тест-центар. Бидејќи ова е единствената позната база со FELON, руските сили веројатно ги користеле овие авиони за операции против Украина.
Но, пишува Министерството, Русија е многу внимателна за својата репутација и не сака да ги загуби овие борбени авиони поради Украина, што е симптоматично за континуираната аверзија на Русија кон ризик при вклучување на нејзините воздушни сили во војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во германски супермаркети пронајдени речиси сто килограми кокаин
Пратки со банани од Јужна Америка во кои имало вкупно 95 килограми кокаин, случајно завршиле во многу филијали на супермаркети во Западна Германија.
Според обвинителството, дрога била пронајдена во единаесет продавници, пренесува германската медиумска групација RND.
Вредноста на запленетата материја на црниот пазар се проценува на повеќе од седум милиони евра.
Инспекторите веруваат дека погрешната пратка била доставена до централниот магацин и оттаму преку нормалниот дистрибутивен ланец била транспортирана до поединечни продавници.
Надлежните се уште истражуваат од каде точно е запленетиот кокаин.
Според досега достапните информации и објави од полицијата, пратката со банани пристигнала на пристаништето во Антверпен по морски пат. Оттаму, стоката што содржела дрога најверојатно по грешка била испратена во продавниците.
Пратката со дрога во кутии со овошје била откриена пред две недели од вработени во две продавници во Менхенгладбах и пријавиле во полиција.
Подоцна во текот на истрагата било откриено дека истиот ден кутии со кокаин биле пронајдени и во продавниците на тој трговски синџир во Дуизбург, Крефелд и општините Вирзен, Хајнцберг и Нојс во Рајнската област.
Свет
(Видео) Силен дожд и поплави во Англија: наставата е откажана, многу патишта се непроодни
Обилни врнежи и поплави погодија делови од Англија и Велс предизвикувајќи прекин на сообраќајот и материјална штета.
Патишта и куќи се поплавени во централна и јужна Англија, а во некои области во текот на ноќта врнеше дожд како за еден месец, пренесуваат локални медиуми.
Footage of the flooding yesterday in Dunstable
📌 Bedfordshire | England 🏴 #floods #flooding #England #Dunstable
🎥 : @chrisrich88 pic.twitter.com/mvGKgMZ7fY— DISASTER TRACKER (@DisasterTrackHQ) September 23, 2024
На фудбалскиот терен на АФЦ Вимблдон во Лондон се појавила дупка, а итните служби примиле 350 повици поврзани со поплави.
Extensive flooding caused what looked like a 'golf course' on the pitch at the Cherry Red Records Stadium.
📌 London | England 🏴 #CarabaoCup #AFCWimbledon #Newcastle pic.twitter.com/p8ZFzowmaP
— DISASTER TRACKER (@DisasterTrackHQ) September 23, 2024
Локалните власти соопштија дека сите служби за итни случаи работат што е можно побрзо и дека ранливите луѓе се приоритет. Долгите врнежи од дожд се очекува да продолжат и во текот на утрешниот ден, што може да зафатат делови од Шкотска.
Жолто предупредување за дожд е во сила во поголемиот дел од Англија до крајот на денот, со исклучок на крајниот југозапад и делови од северна Англија и источен Велс. Заедно со врнежите најавен е и значително опаѓање на температурата, која поради северниот ветер ќе биде пониска од просечната за овој период од годината.
Десетици училишта низ Бедфордшир, Нортхемптоншир и Питерборо беа затворени во текот на денот. Некои најавија дека очекуваат утре повторно да можат да одржат настава. Но, се уште нема потврда за тоа, според написите на тамошните медиуми.
Многу патишта се сè уште непроодни, а од утрово не функционираат и некои железнички линии.
Свет
Нетанјаху: „Пред нас се сложени денови“
Израелскиот премиер Бенјамин Нетанјаху во изјава за израелската јавност се осврна на неодамнешните настани на северната граница со Либан.
Според написите на локалните медиуми, по проценката на ситуацијата во воениот штаб во Тел Авив, Нетанјаху изјавил:
– За оние кои сè уште не разбираат, сакам да ја разјаснам политиката на Израел – не чекаме закана, туку ја спречуваме. Секаде, на кој било фронт, во секое време. Ги елиминираме нивните високи личности, ги елиминираме терористите, ги елиминираме проектилите – и не запираме, рече Нетанјаху.
– Кој ќе се обиде да ни наштети, ние го удираме уште посилно. Ветив дека ќе го промениме безбедносниот баланс, односот на силите на север – и тоа го правиме. Ние уништуваме илјадници проектили и ракети насочени кон Израел, кон градови и граѓани. Пред нас се сложени денови. Барам две работи од вас, граѓани на Израел: прво, следете ги упатствата на командата на домашната стража, бидејќи тоа спасува животи, и второ, застанете заедно со решителност, одговорност и, се разбира, трпение, рече Нетанјаху, пренесуваат медиумите во регионот.