Свет
Бројот на деца убиени со нож најголем во последните девет години
Оваа година најверојатно ќе биде најлоша во последната деценија според бројот на деца убиени во напади на нож со досега регистрираните 35 случаи во 2018 година. Толку смртоносни 12 месеци за децата немало од 2008 година кога 42 млади луѓе помлади од 19 години беа убиени со напади на нож, откриваат официјалните податоци објавени од „Гардијан“.
Весникот тврди дека бројките не биле објавени претходно и дека биле потребни 10-месечни преговори со Министерството за внатрешни работи за да ги добијат чувствителните информации.
Податоците откриваат дека најлоша година според бројот на деца убиени со нож била 2007 година, кога биле забележани 48 случаи, што значи дека 2017 година ќе биде трета најлоша година од 1977 година. Мнозинство од младите жртви во Лондон се од црнечката популација.
Во изминатите 10 години во Лондон се убиени 88 црни машки деца и тинејџери, а 16 од 18-те убиени годинава се млади црни тинејџери. Во цела Англија и Велс во деценијата до 2015 година, една третина од жртвите биле црнци, покажуваат податоците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белорусија ќе распореди руски ракетни системи „Орешник“ на своја територија
Белорусија ќе распореди руски ракетни системи „Орешник“ на своја територија во декември, објави денес кабинетот на белорускиот претседател Александар Лукашенко.
Се вели дека подготовките за распоредување на ракетите се при крај, објавува Ројтерс.
Лукашенко изјави дека распоредувањето на хиперсоничните балистички ракети „Орешник“ е одговор на ескалацијата од Западот.
Ракетите „Орешник“ беа вклучени во заеднички маневри меѓу Русија и Белорусија минатиот месец.
Фото: принтскрин
Свет
Витакер: Трамп ќе воведе и примени нови строги санкции врз руската нафта
Претседателот на Соединетите Американски Држави, Доналд Трамп, ќе спроведе и примени нови строги санкции врз руската нафта со цел да изврши притисок врз претседателот на Русија, Владимир Путин, да се согласи на преговори за прекин на војната меѓу Русија и Украина, изјави денес американскиот амбасадор во НАТО, Метју Витакер.
„Веќе ги воведовме овие санкции и планираме да ги спроведеме“, рече Витакер во интервју за Блумберг.
Минатата недела, Министерството за финансии на САД ги стави на црната листа државните нафтени гиганти „Роснефт“ и „Лукоил“, најголемите руски производители на нафта, како дел од новиот обид да се стави крај на војната во Украина со тоа што ќе ѝ се одземат приходите на Москва за финансирање на војната.
Тоа беше првиот голем пакет финансиски санкции против Русија откако Трамп ја презеде функцијата.
„Ова би можело да биде она што го поттикнува претседателот Путин да седне на преговарачка маса и да ја заврши оваа војна или барем да се согласи на прекин на огнот за да можеме да преговараме за конечно решение“, рече Витакер. Цените на суровата нафта скокнаа по објавувањето на санкциите, но реакцијата на пазарот остана „пригушена“ поради неизвесноста за тоа колку сериозно Белата куќа ќе ги спроведе новите мерки против Русија, која е под тешки санкции уште од раните денови на војната, пишува Блумберг.
Сепак, според Витакер, „ова е само почеток“.
„Претседателот Трамп ги држи сите адути во свои раце, ова е само една карта на која играше, пренесува Танјуг. Има уште многу“, рече тој.
Фото: принтскрин
Свет
Италија би можела да изгуби 40 проценти од своите плажи до крајот на векот поради покачување на нивото на морето
Италија ризикува да изгуби околу 20 проценти од своите плажи до 2050 година и 40 проценти до 2100 година поради покачување на нивото на морето, поврзано со климатската криза и други фактори, како што се ризиците од поплави и ерозија на почвата, според извештајот на Италијанското географско друштво „Потопени предели“.
Во него се наведува дека загрозените области ги вклучуваат северниот јадрански брег, плажите Гаргана во Апулија, неколку делови од тиренскиот брег помеѓу Тоскана и Кампанија и областите Каљари и Ористано во Сардинија, објавува Анса.
Половина од националната пристанишна инфраструктура, повеќе од 10 проценти од земјоделското земјиште и таканаречените „амфибиски“ крајбрежни области, почнувајќи од делтата на реката По и венецијанската лагуна, се исто така во опасност.
Фото: принтскрин

