Свет
Бројот на загинати во Краматорск се зголеми на 11, во рускиот напад загинаа и три деца

Бројот на загинати во рускиот ракетен напад кој погоди преполна пицерија во Краматорск, источна Украина, се искачи на 11.
Две 14-годишни сестри близначки и 17-годишен тинејџер се меѓу жртвите, додека 56 лица се ранети, објавија локалните власти, пренесува Ројтерс.
Официјални лица изјавија дека во нападот биле оштетени 18 високи згради, 65 куќи, пет училишта, две детски градинки, трговски центар, административна зграда и зграда за рекреација.
Коментирајќи ги наводите на Киев, портпаролот на Кремљ Дмитриј Песков рече дека Русија не е насочена кон цивилната инфраструктура во Украина.
„Русија не ја таргетираше цивилната инфраструктура, нападите беа извршени врз објекти кои некако се поврзани со воената инфраструктура“, рече Песков, пренесува ТАСС.
Краматорск е град на линијата на фронтот каде се наоѓа регионалниот штаб на украинската армија, а пицеријата која беше погодена ја посетиле новинари, хуманитарни работници, војници и локални жители.
Градот се наоѓа во Доњецк, една од четирите украински провинции кои Русија ги анектираше минатиот септември, но не ги контролира целосно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.