Свет
Бројот на мртви во протестите во Ирак се искачи на 19
Најмалку 19 лица загинаа во антивладините протести во Ирак што почнаа на почетокот на оваа недела, јавува агенцијата „Анадолија“.
Извори од болниците информираат дека бројот на лица кои биле убиени за време на протестите во средата изнесува 10. Оттаму додаваат дека петмина биле убиени во градот Амара, додека петмина загинале во Насирија.
Со ова вкупниот број на мртви се зголемува на 19 лица, тврдат изворите.
Голем број лица, вклучувајќи и цивилно население, беа повредени во демонстрациите, но точната бројка сè уште е непозната.
Според демонстрантите и граѓанските активисти, владата делумно ги суспендирала интернет-сервисите во земјата.
Од вторникот до сега, неколку области во Ирак излегоа на протести со цел да бараат подобрување на условите за живот и крај на корупцијата. Силите за безбедност отворија оган за да ги растераат толпите, но тоа резултираше во голем број смртни случаи.
Властите на Ирак воведоа полициски час во Багдад со цел да ги задушат протестите.
Премиерот на Ирак, Адел Абдул Махди, вели дека полицискиот час ќе го одржува јавниот ред и мир и ќе ги штити демонстрантите од „инфилтратори“. Махди додава дека вооружените сили ќе дозволат движење за хуманитарни случаи и патници од и до аеродромот во Багдад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.