Свет
Во Кина наголемо се врши вакцинација пред Кинеската Нова година на 12 февруари
Илјадници жители на Пекинг стојат во ред на студено време за да добијат вакцина против Ковид-19 пред големата миграција за Кинеска Нова година, а властите по секоја цена се обидуваат да го избегнат новиот бран на епидемија.
Само во кинескиот главен град повеќе од 73.000 луѓе ја примиле првата доза од вакцината помеѓу петокот и неделата, објавија медиумите наведувајќи дека вработените во градските служби и возачите на автобуси биле вакцинирани меѓу првите.
Здравствените власти во четвртокот објавија дека дадоа условено зелено светло за општа употреба за првата вакцина произведена во Кина од „Синофарм“. „Синофарм“ наведува дека ефикасноста на нивната вакцина е 79 %.
Во голем парк источно од Пекинг кандидатите за вакцина треба да пополнат електронски формулар преку својот мобилен телефон, во кој се наведува дека немаат контраиндикации за вакцината. Потоа се качуваат во автобус што ги носи во привремен центар за вакцинација поставен во паркот. Некои носеа две хируршки маски на лицето.
Без да се чека официјалното одобрување на медицинските власти, Кина веќе почна да вакцинира милиони луѓе од минатото лето, пред сè, медицинскиот персонал и студентите што заминуваат во странство и дипломатите.
Најмалку 4,5 милиони дози од вакцината веќе се дадени, соопштија властите минатата недела.
Кина, каде што Ковид-19 се појави пред точно една година, предвидува дека ќе ги забрза вакцинациите со приближувањето на Кинеската Нова година, која паѓа на 12 февруари оваа година.
Најголемата миграција во светот обично почнува на тој празник кога милиони работници ги напуштаат големите градови и одат во внатрешноста за да го посетат своето семејство.
Кинеските железници очекуваат да обезбедат 407 милиони патувања за време на празничниот период од 28 јануари до 8 март.
За да се избегне метеж, воведени се дополнителни возови, а некои универзитети веќе ги затворија вратите за да им овозможат на студентите однапред да се вратат дома. Некои ќе имаат повеќе од два месеца одмор.
Иако земјата во голема мера ја искорени епидемијата, денес се пријавени 33 нови случаи на инфекција, што е највисока бројка за речиси два месеца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.